Gvido miseratione diuina tituli sancte Cecilie presbyter cardinalis apostolice sedis legatus Dilectis in christo preposito et conuentui monasterij sancti Johannis euangeliste in Walchausen (sic) ordinis sancti Augustini Patauiensis diocesis salutem in domino. Illas petitiones ad exauditionis graciam admittimus non indigne, per quas ecclesiarum et monasteriorum utilitati consulitur et personarum necessitatibus prouidetur. Exhibita siquidem uestra peticio continebat, quod fruetus, redditus et prouentus monasterij uestri predicti sunt adeo tenues et exiles, quod ex ipsis non potestis seundum uestri status decenciam conmode substentari, nec uobis incumbencia onera supportare, nobis propterea humiliter supplicastis, ut vobis in hac parte paterno compacientes affectu prouidere super hoc de oportuno remedio misericorditer dignaremur et parrochialem ecclesiam sancti Georgij dicte patauiensis diocesis monasterio vestro supradicto inmediate subiectam cum omnibus iuribus et pertinenciis suis uestro monasterio prelibato vnire et incorporare ac in perpetuum annectere de speciali gracia dignaremur. Nos igitur de predictis debita informatione recepta volentesque vobis super premissis, quanto salubrius possumus, prouidere predictam parrochialem ecclesiam sancti Georgij cum omnibus iuribus et pertinencijs suis monasterio uestro memorata auetoritate, qua fungimur, presencium tenore vnimus et incorporamus ac in perpetuum annectimus ita, quod cedente uel decedente rectore ipsius ecclesie sancti Georgij, qui nunc est uel ecclesia ipsa quocunque alio modo vacante liceat vobis et successoribus vestris, qui pro tempore fuerint, predictam ecclesiam sancti Georgij cum iuribus et pertinencijs suis et corporalem possessionem eiusdem ingredi ac eciam libere apprehendere et tenere ipsiusque fructus, redditus et prouentus in proprios usus conuertere consensu alterius euiuscunque minime requisito, prouiso, quod predicta parrochialis ecclesia sancti Georgij debitis obsequiis non fraudetur, sed faciatis ibidem, prout oportunum extiterit et est alias fieri consuetum, deseruiri laudabiliter in diuinis. Nulli ergo omnino hominum liceat hanc paginam nostre vnionis, incorporationis et annexationis infringere uel ei ausu temerario contraire. Siquis autem hoc attemptare presumpserit, indignationem omnipotentis dei et beatorum petri et pauli apostolorum eius se nouerit incursurum. Datum apud Znoymam Olomucensis diocesis pridie nonas septembris, pontificatus domini Clementis pape vj anno octauo. ||
K. de Bolouesio.

Source Fulltext: OÖUB 7 (Wien 1876) S. 129f., Nr. 131