Guido miseratione diuina tituli sancie Cecilie presbyter cardinalis, apostolice sedis legatus Dilecto in domino abbati monasterij Medlicensis Patauiensis diocesis salutem in domino. Dilecti in domino, frater Henricus prepositus et conuentus monasterij in Walchausen ordinis sancti Augustini Patauiensis diocesis predicte per prepositum soliti gubernari nobis significare curarunt, quod fructus, redditus et prouentus ipsius monasterii in Walchausen sunt adeo tenues et exiles, quod ipsi ex eis nequeunt commode sustentari, et onera dicto monasterio ineuitabilia incumbencia supportare, humiliter supplicantes, ut parrochialem ecelesiam sancti Georgij dicte diocesis, eidem monasterio et possessionibus suis vicinam, ad eorum presentationem iure patronatus pertinentem, cuius fructus, redditus et prouentus decem marcharum argenti secundum taxationem decime ualorem annuum non excedunt, cum omnibus iuribus et pertinencijs suis prelibato monasterio in Walchausen unire, incorporare et annectere de speciali gracia dignaremur. Quia igitur de premissis noticiam non habemus, discretioni tue auctoritate, qua fungimur, tenore presentium committimus et mandamus, quod de predictis omnibus summarie et de piano inquiras cum diligencia ueritatem, et quidquid inde repereris per fidelem notarium in formam publicam redactum aut sub tuo sigillo inclusum nobis absque dilatione qualibet procures fideliter intimare. Datum apud Znoymam Olomucensis diocesis VIII Kalendas Septembris, pontificatus domini Clementis pape VI anno octauo. Auf dem umgeschlagenen Ende: G. de Autreyo.

Source Fulltext: OÖUB 7 (Wien 1876) S. 126, Nr. 128