Vt ea, que preuia racione in ecclesijs conuentualibus instituuntur, in posterum non euacuentur robore firmitatis, scriptis merito conmendantur autenticis et sigillis. Hinc est, quod nos Johnnnes diuina permissione ecclesie sancti Johannis ewangeliste in Walthusen prepositus de maturo consilio, consensu et fauore Ottonis nostri decani ac aliorum fratrum nostrorum conuentualium, ad honorem precipue omnipotentis dei, honorificenciam gloriose virginis Marie,. ampliori veneracione laudis pariter et honoris in ecclesia nostra dilatare cupientes, de ipsa matre domini festum sacre conceptionis, quod in ecclesia nostra tantum cum pleno officio et conmuni cantu, videlicet de eius natiuitate hactenus est peractum, de cetero cum maiori festo, quod medium festum dicimus et hystoria propria, prout in nostro breuiario plene annotatum est est (sic), instituimus celebrandum. Pro quo septem solidos, decem denarios wiennensis monete oblagiarius fratribus eadem die exhibebit, necnon et omnia, que apud nos in medio festo de cellario, de coquina solent amministrari, pitancia non obmissa; denique ad honorem reuerendissimi dominici corporis sacramenti in altari ipsius in latere monasterii nostri, vel si hoc rumperetur, in alio altari, quodcumque nobis uel successoribus nostris placuerit, missam de ipso corpore Christi vel saltem collectam eius in quinta feria statuimus celebrandum, et celebranti ipso die quinque denarios wiennensis monete predictus oblagiarius ministrabit. Prefatum quoque censum ipsi oblagiario, videlicet septem solidos decem denarios pro hystoria et nouem solidos minus decem denarios prefate monete pro missa, vt dictum est, quod erunt duo tallenta, plebanus sancti Geori de censu sedecim librarum nobis et ecclesie nostre per reverendum in Christo patrem ac dominum dominum Gwidonem, tituli sancte Cecilie presbyterum cardinalem, apostolice sedis legatum incorperatum vnitum ac in perpetuum annexum, prout in suis ac etiam reuerendi in Christo patris et domini, domini Gotfridi Patauiensis episcopi literis super hoc confectis plenius conprehenditur et invenitur, in quatuortemporibus proximis post festum pentecostes nobis et successoribus nostris minime contradicentibus, prefato oblagiario amministrabit. Si autem, quod absit, aliquis prepositorum successorum nostrorum siue decanorum vel quorumeumque ecclesie nostre conuentualium hanc nostram institutionem ausu temerario infringere presumpserit, indignacionem omnipotentis dei, gloriose virginis Marie nec non sanctorum apostolorum Petri et Pauli et sancti Johannis apostoli et ewangeliste se nouerit incursurum. Acta sunt hec in prefata nostra ecclesia Walthusen anno domini millesimo trecentesimo quinquagesimo primo, Thome apostoli.

Source Fulltext: OÖUB 7 (Wien 1876) S. 271ff., Nr. 266