Wir Gotfrit von Gots gnaden bischofze Pazzowe bechennen offenlich mit dem brif, daz wir Wendeln Ru^egers dez Gassner witiben vnd ir eriben vnd auch den chinden die der vorgenant Gassner lazzen hat verlihen haben ze rechtem lehen den zehend auf achtzehen haeusern in Dünnpekcher pharr den der egenant Gassner vormals auch gehabt hat. Wir sein auch dez vorgenanten zehents ir aller herr vnd scherm als lehens vnd dez lands recht ist. Mit vrchu^end dez brifs, geben ze Pazzo^ew an pfintztag nach drewtzehen hundert iar darnach in dem new^en vnd fumftzkistem iar.

Source Fulltext: OÖUB 7 (Wien 1876) S. 681, Nr. 671