Wir Magdalena von Rosenbach meisterin vnd wir der convent des klosters Hoeste vnder Breuberg gelegen, beken nen vns offentlichen in diesem offen brieffe für vns vnd vnsser nachkommen, das wir vleyssiglich gebeten haben den cdeln vnd wolgeb. grauen vnd herrn, herrn Wilhelm grauen zu Wertheim vnss. gned. lieben herrn, der dan ein schützer vnd schirmer vnssers closiers vnd vnsser vogt ist, das er angesehen hat vnsser armut vnd verdürblichen schaden in felde vnd bewen vnd vff das das wir desto bas bey brod (bleiben) vnd auch den gottesdienst bass vnd volliglich vol- lenbringen mögen, eine schefferey vff des closters obgenant. hoff anhalten vnd mit seynen gnaden ein mengung zu thun vnd wellich zeit oder wan vnser gned. herr obgen. oder sein erben vns kein schefferey gemeen wollen zu halten vff dem obgen. hoff, so sollen vnd wollen wir solichs einstellen on widerrede vnd eintrack vnsser, vnssers convents vnd nachkommen, doch vnschedelich vnsserm gnedigen herrn an seiner herrlichkeit vnd rechten vnd auch des closters frey- heiten vnd herkommen. Wer es aber sach, das vns bedün ken wolt, das vns solch schefferey zu halten zu schwer vnd nit nützlich vns, vnsserm closter vnd convent wer, so sollen vnd mögen wir die abstellen eins jeglichen jars, wann wir wöllen, zu s. Michelstag, vnd sollen das vnss. gned. herrn obgen. vnd seinen amptleuden ein viertheyl jars vor s. Michelstag abkünden, so wir vnsser schefferey abthun wol len, vff das vnser gen. gned. herr sein schaff, die er bey vns hette, wüste zu bestellen. Dess zu vrkunde han wir des convents insiegel bei der obgen. vnsser frauwen der- meisterin insiegel zuvorderst an diesen brieff gehangen vnd dazu han wir gebetten den vesten Diether Gansen von Otz berg, das er auch sein insigel bei die vnsern hat gehangen etc. Geben vff sontag vor s. Michelstag' anno MCCCCLIII.

276