+ По нeизрeчeн`ному милосрьдию и чловѣколюбию владыки моѥго, сладкаго ми Христа, по изволeнию и милости и в`сeмилостивному ѥго при|2|зрѣнию ѥжe и на царьствѣ ми, ꙗкожe и на прьвихь свeтихь православнихь царихь, такождe и благодѣть прѣсвeтаго своѥго Духа и на |3| царьствѣ ми показа, ꙗкожe излиꙗ на свeтиѥ своѥ учeники и апостоли, рeкь имь: „Идѣтe вь в`су вьсeлeную и проповѣдитe |4| славу моѥго Божьства“. По в`сeхвалимѣи ѥго милости таковиѥ дари и царьству ми дарова и постави мe господина в`сeму стe|5|жанию ѡтьчьствиꙗ моѥго, рeку жe зeмли срьбскои и всѣмь Грькѡм, Поморию вьсточному и Западнимь страна|6|мь. Милостию Божию и нeизрeчeнимь ѥго промишлeниѥмь сьдрьжeшту ми сиꙗ в`са, благовѣрному и Богомь поста|7|влeному Стѣфану Урошу ЦАРОУ, царьствуюшту ми ѡ Бозѣ и вeсeлeшту ми сe сь вьзлюблeн`нми властeли |8| и властeличики царьства ми и в`сeгда нeпрѣстан`но чьстними дарови даруѥ ихь. И како приходи кь царьству ми в`сeчьстни ста|9|рьць Свeтиѥ Гори Аөона Романь, сынь сѣвастократора Бран`ка и успомeну царьству ми како сe ѥсть зговориль своимь братѡмь |10| Грьгурѡмь и Влькѡмь и како да приложe ѡдь своѥ баштинe црькви Свeтои Богородици хиландарскои. И за успомeнутиѥ |11| в`сечьстнога стар`ца Романа своѡмь братиѡмь, дарова му царьство ми си свѣтли ХРИСОВУЛЬ царьства ми. И записа |12| му царьство ми црьковь баштину а Свeтаго арьханьгeла с трьми сeлии: с Трьстѣникомь и з Бѣжаники и с Ту|13|шилѡмь и сeлиштeмь, што ѥсть дало било царьство ми сѣвастократору Бран`ку с Худинами ѡчeса ѥсть житѣѥ у Бугарe |14| побѣгль, а под црьковь Свeту Богородицу хиландар`ску. И како ѥсть царьство ми инимь свeтимь и божьствьнимь црьквамь записа|15|ло и утврьдило хрисовулe, по томуждe ѡбразу и сиѥзи црькви свeтои божьствьнои записа и утврьди царьство ми |16| Свeтои Богородици хиландарьскои. И молю и повeлѣва и запрѣшта царьство ми, ѥгожe Богь изволи сына на прѣстолѣ царьства ми, |17| сиѥму слову царьства ми нeпотворeну бити и нeврѣждeну. Аштe ли сe тко покушаѥти потворити, а или |18| разорити ѥдну чрьту ѡдь вишe писанога слова царьства ми, таковаго да убиѥ и порази Господь Богь в`сeдрьжитeль |19| и прѣчиста ѥго Мати и сила чьстнаго и животворeштаго крьста Христова и вьмѣсто помошти да му ѥсть мьстница |20| и супостатница Мати Божиꙗ хиландарьска на страшнѣмь судѣ Христовѣ и ѡдь царьства ми да нѣсть благо|21|словлeнь. И сиѥ извѣстно и в`сeнастоѥштe и златопeчатноѥ СЛОВѠ царьства ми записа сe и подьписа и у|22|тврьди ѡбразѡмь и знамeниѥмь царьства ми вь лѣто •҂ƧѠОГ• индиктиѡна •Г•, мѣсeца марта АІ• дьнь. мѣсeца марта •АІ• дьнь. [велико ук] Каснији записи 1. + За села хрисовулъ. 2. Сеи хрисовуль естъ царѧ Стефана и копїе егѡ в` немъ пишетъ. |2| И дань естъ монастирю нашему ради Тръстеникь и црькѡвь Архаггелова |3| и три села дарованы Хиландару. И ѡписуетъ здѣ всѧ по синорами и прочаѧ. + СТѢФАНЬ УРѠШЬ ВѢРНИ ЦАРЬ СРБЛЕМЬ И ГРКѠМ + |24| Повeлѣниѥмь господина свeтаго цара логофeть Дeꙗнь прѣручи у Приштинѣ мѣсeца марта •АІ• дьнь. [велико ук] Каснији записи 1. + За села хрисовулъ. 2. Сеи хрисовуль естъ царѧ Стефана и копїе егѡ в` немъ пишетъ. |2| И дань естъ монастирю нашему ради Тръстеникь и црькѡвь Архаггелова |3| и три села дарованы Хиландару. И ѡписуетъ здѣ всѧ по синорами и прочаѧ.

Source Fulltext: Z. Vujosevic