Nos Wernhardus dei gratia ecclesioe Pataviensis episcopus tenore praesentium confitemur literarum, quod nos et Rudolfus de Prombach frater noster laicus tunc marschalcus curioe nostroe consentiente Wernhardo de Prombach plebano in Ulrichskirchen fratre nostro totum patrimonium nostrum in Prombach cum omnibus possessionibus, proprietatibus nostris, agris, silvis, pratis, pascuis, piscationibus, venationibus cultis et incultis, quaesitis et inquirendis cum omnibus juribus et commoditatibus nobis competentibus in eisdem, quantum ab eadem parte Danubii habuimus ubicunque exceptis domo nostra in Everding et bonis infeudatis, quae ipsis emere, redimere seu alias quocunque modo ad se trahere una cum fratribus nostris praedictis concedimus et permittimus de nostrae voluntatis beneplacito pro nostrorum et progenitorum nostrorum salute perpetua donavimus, dedimus, appropriavimus libere et praecise loco, qui aliquando Engelhartszelle sed nunc Angelorum Cella nuncupatur et fratribus ibidem deo et beatae virgini sub professione cisterciensis ordinis jugiter servituris sic, ut ipsi fratres praefatae Cellae angelorum praedictis bonis suis provideant et orationum suarum patrocinio nos apud deum in praesenti relevent et futuro. In cujus rei testimonium praesentes dedimus literas nostro sigillo munitas. Datum Patavioe anno domini M.CC. nonagesimo quinto XII. Kalendas Augusti. Testes sunt; Dominus Ulricus de Puchberg, canonicus Pataviensis, Ulricus Hettenwitter (?) capellani nostri Marquardus, Heinricus, Otto, Albertus, Ludovicus notarins curiae nostrae, Minhalmus (?) Pilgrinus Pincerna milites, dominus Henricus de Volchenstorf, Huttarius, Berichtoldus de Hartheim burgenses nostri in Edelsperch (Ebelsberch) et alii fide digni.

Source Fulltext: OÖUB 6 (Wien 1872), Nr. 12 (Anhang), S. 584f.