Ich Friderich des Mautner sun von Purghausen, ze den .Zeiten Furchgraf ze Scha^erding, tuen chunt an disen brief allen den, di in sehent oder ho^erent lesen, daz die erbern geistleicheu hern von den Chloster ze Engelcell habent auf empfangen von Ortolfen Wolflein, Hadelein dem Lauterbrunner in meines hern herzog Hainrich gericht ze Scharding von Chunraten den Radeker ze denselben Zeiten Richter dasselb und vor andern erbern Leuten mit salmans hant, als in denselben gericht gewo^enleich ist, den hof, der da haizzet Kirchbach und lait in Teiskircher Pharr, den denselben hern Hainrich der alt Lauterbruner schuef, ihm und seiner hausvrawen und allen seinen gerben ze einen ewigen selgret, dez haben sich di vorgenanten Lauterbruner Hainrich su^en geaussert genzleich und gar, also daz si noch ir hausvraven noch ir gerben, noch ir vreunt weder ir afterchunft fu^erbaz ewigleich auf denselben hof schullen chain ansprach haben und die ebenanten hern schullen den oftgenauten hof niezzen, nuzen, bauen, innehaben, als si daz geniezzen wellent freileich an allen irsal. Daz dem also sei, des gib ich den oftgenanten hern und dem Gozhaus ze Engelcell meinen brief ze einer zeugnus diser sache mit meinen und des vorgenanten Cunrats des Radeker Insigeln gesigelten. und ist daz geschechen, do man zalt von Christes gepurt dreuzehen hundert jar darnach in dem sechs und dreusigisten Jar an des heiligen hern sant Veitstag.

Source Fulltext: OÖUB 6 (Wien 1872), Nr. 204, S. 208