+ ++ In nomine sancte et individue trinitatis amen. ++ + Poppo dei gratia abbas in Althaa totusque eiusdem ecclesie conventus ++ in perpetuum ++. Cum propter longinquitatem locorum et alios eventus prosperitati contrarios redditus nostri in Halle ad hoc devenissent, quod nobis et monasterio nostro merito viderentur inutiles, nos ad suggestionem venerabilis in Christo patris et dyocesiani nostri domini O/vdalrici Pataviensis episcopi et ad consilium domini Ekkiberti Babenbergensis episcopi, ad cuius ecclesiam fundas ecclesie nostre pertinere dinoscitur, nec non ad voluntatem domini Lvdwici illustris comitis palatini Reni et ducis Bawarie, cui tunc temporis nomine advocatie subiecti fuimus, convocatis in unum fratribus nostris et tota familia tam clero quam ministerialibus, in quibus ecclesie nostre pendebat consilium, de unanimi omnium consensu supradictos redditus^a), quia inutiles erant, tam in burgo Halle quam in fonte salis nec non et in montanis possessiones et homines, sicut ad ecclesie nostre dominium pertinebant, reverendo in Christo patri et domino Eberhardo Salzpurgensi archyepiscopo^b) pro certa pecunie suma^b) vendidimus et hanc venditionem factam de unanimi consensu omnium nostrum et de bona voluntate et consensu omnium, quorum voluntas et consensus ad hoc requiri debuit, presentis scripti testimonio protestamur. Ne autem super eadem vendicione vel super consensu nostro unanimiter ei adhibito dubitetur in posterum, hanc protestationem et contractus et||
consensus nostri bullarum nostrarum robore conmunimus.||
S.^c) S.^d)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 262-263.