Wir abte v°lrich von Gotes genaden ze Goersten mit sampt der gemain vnsers Conuentes tv°n chv°nt allen den, di disen brief horen, lesen oder ansehen, daz di Erbaerge frave die edele witwe fro Goeisel div priwehafnine ze Staier gesessen durch ir triwe vnd ir rehte beschaidenhait vnd ovch voderlichen durch irez lieben wirtes sele willen heren Hainriches des priwehavens saliger gehvge in Got vnserem Goteshovse ze einem selgraeitte ledichlichen vnd fv^er aigen gegeben hat ir aigen gv^et daz swambaren, da v^elrich der schistringoer v^efsizzet, di giltet alle iar ein Swaein, daz eines halben pfvndes wert sol sin, vnd ein halbes fvder pirz mit solher beschaidenhait vnd gedingen, daz vnserre herren ainer ein priester, swer der si, alle wochen ze einem tage alain heren Hainriches des vorbenanten priwehavens sele in sand Laurenzen Chappel, da er bestattet ist, mit einer selmesse gedenchen sol. Darv^eber sv^elen ouch wir alle ze ieglichem Jar sinen jaehrlichen tachk gemainlichen mit gelaevt, mit vigilie, mit gemainer Selmesse begên, alz vmb die toten sittlich vnd gewenlich ist. Desselben tages sv^elen wir vnsere samnv^enge oder swer herre vnd pfleger vnsers Goteshovses nach vns ist, ein halbes pfvnt pfenninge geben, daz ir pfrv^ent pessert werde vnd ovch fv^er ir arbait. Der rehte, alz hie geschriben ist, sin wir der sele ewichlichen schu^eldich, Swo auer wir die sele bechrenchen wolden vnd den andaht niht volfv^erten, so sol si die benant frowe êr fro Gisel an gevaere sich des gv^etes vnderwinden wider vnd sol ir sin aigenlichen alz ê. Daz vns vnd ovch si nieman fv^erbaz bechrenchen mv^ege, alz hie geschriben ist, des Geb wir ir vnser paidiv Insidel ze warem vrchv^ende. Der taiding sint ziwch her Richer der prior, her Chůnrat, her Chunrat der vbelman, her Hainrich der Gůster, her Johans der priwehaven, der Liepker der pharrer ze stoeyre vnd alle vnsers Goteshovses prister vnd herren. Dar v^eber sint zivge von Layen: her Chunrat von volchenstorf, her hainrich der priwehaven herren perhtoldes sv^en, der v^elrich vnd der dietmar sin brv^eder von Tv^esendorf, her Hainrich der stroeloer, her dietmar der schachner, her marguart der schecho, Hainrich der stadloer vnd der ott sin brv^eder, Erchenger der sv°lzer, Hainrich der widmoer, Imbrinch sin brůder, Erhart, Wolfhart, Hainrich liepkoer vnser dinaeer vnd andere biderber laevt vil vnd genuoch. Daz ist geschehen, do von Christes bu^erte was tovsent jar vnd driwe hundert jar.

Source Fulltext: OÖUB 4 (Wien 1867) S. 362-363, Nr. 390