Ich Vlreich in gotes genaden abte ze Gersten tu^en chunt allen den, di disen brief (sehent oder) horent lesen, das ich vnd div sampnunge mit gvten willen haben vns des verdachte vnd das Wir erchant haben di grosse trev an ditreichen ampman mair von aigloren, dar vmb haben Wir im vnd seiner hausfrowe gedravten vnd seiner tochter gedrauten geliehen vnze an ir ende di hvbe ze gvlnich also, das si vnse alle iar da von schulne dinen Trei schillingen pfenningen an sand Mertinztag. vnd dar vber geb wir in ze stetim vrchvnde disen brief mit vnsener insigeln vnd mit der sampnvnge. des sinde zevge her Richer der prior vnd der custer vnd der chunrat der vbelman vnd her perchtolt vnd der chunrat von volchenstorf vnd div prevhafen von steir vnd der schachner. Div zwo hantfest sint gegeben be abts friderichs zeiten vnd sint be abts Vlreichs zeiten genevt.

Source Fulltext: OÖUB 4 (Wien 1867) S. 361, Nr. 388