Ich Fridreich der Tungozzinger vergich offenbar mit disem brief vnd tu^en chund, daz ich mit aller meiner erben gu^etleich willen vnd wart erlaubt han meiner to^echter Katrein der Tueringerin den hof ze Chremstorf ze geben zu^e dem gotzhous ze Gaersten oder auf welichs gotzhaus si wil also, daz ich noch mein erben dhain ansprach ewigleich nymmer mer dar nach haben schullen noch mugen, vnd vertzeichen vns dez mit v^erchund dez brifs, der gesigelt ist mit meinem anhangunden jnsigel, der geben ist nach Christes gepu^erd drevtzehen hundert iar vnd in dem zwai vnd fumftzkistem jar an sand Pauls abent zder becherung.

Source Fulltext: OÖUB 7 (Wien 1876) S. 276, Nr. 270