Ich Hans der Steger vnd ich Christein sein hausfraw^oe vnd mit vns alle vnser erben vergehen mit dem brief allen den die in sehent oder ho^ernt lesen, daz wir mit wol verdachtem mu^et vnd mit gu^etlichem willen nach rat vnserr pesten friunt zu der zeit do wir ez wol getu^en mochten, ze chauffen haben gegeben recht vnd redlich vnserm swager Perchtolden auf dem Perg vnd allen sein erben vnser hůeb ze Swammerm gelegen pei dem Pach vnd ain hofstat do pei mit allen den rechten vnd nu^eczen die dar zu geho^erent swi die genant sind, si sein besucht oder vnbesucht, daz vnser lehen ist gewesen von vnserm herren dem hertzogen in O^esterrich, aus vnserm nu^ecz vnd gewer in die irn, vmb acht vnd dreizzich pfunt phenning wienner mu^ensse, der si vns gar vnd genczlich verricht vnd gewert habent mit beraiten phenning; wir sullen auch des chauffes ir gewer sein swo in dez not geschicht fur alle chrieg vnd ansprach nach lancz recht. Taet wir des nicht vnd naemen si des dhain schaden, den sullen si haben auf aller vnserr hab wo wir di haben. Daz daz also staet vnd vnzerbrochen behalten werd, gib ich obenanter Hans der Steger vnd mein obgenante hausfrav fur vns vnd alle vnser erben den brief versigelten mit meim anhangendem insigel, vnd zu ainer guten geziuchnu^esse mit dez erbern richters herrn Hansen dez Schekchen zu der zeit purkgraf ze Steir insigel, der dez selben gütz zu der zeit lehenherre ist gewesen an der fursten stat, vnd mit Gotfritz dez Sintzenperger vnd Purchartz dez Steger meins bruder insigeln in an schaden, vnd ist geschehen, do man zalt von Cristi gepůrt drevzehen hundert iar vnd in dem sehs vnd fu^enfczichistem iar an sant Veitz tag.

Source Fulltext: OÖUB 7 (Wien 1876) S. 457f., Nr. 453