Ich Erhart der Hagen von Spilberch vnd ich Margret sein hausfrawe vnd mit vns alle vnser erben gegenwu^ertig chu^enftich oder swi si genant sein vergehen mit dem offen brief, daz wir mit wol verdachtem můt vnd mit gu^etlichem willen aller erben nach rat vnsrer pesten friunt ze chauffen haben geben vnserm liben friunt Go^etfrid dem Sintzenperger vnd sein nahsten erben vnsern hof genant in der aw^oe in Pehenperger pharre ze nahst dez abtz hof von Gaersten, der vnser lehen ist gewesen von dem hertzogen ze O^esterrich, vnd haben auch in den geben mit herren hant aus vnserm nůtz vnd gewer in die irn mit allen den rechten vnd nůczen die darzů geho^ert swi di genant sint, si sein besu^echt oder vnbesu(ocht, gepawen oder vngepawen, allen irn fru^emen domit ze schaffen swi si wellen, vmb fu^enftzich phunt phenning wienner mu^ensse der si vns gar vnd gaenczlich verricht vnd gewert habent mit benanten phenningen; wie sullen auch dez chauffes ir gewer sein fu^er alle chrieg vnd ansprach nach lancze recht. Taet wir dez nicht vnd naemen si dez dhain schaden, den sullen wir in ausrichten vnd daz sullen si haben auf aller andrer vnsrer hab wo wir di haben. Daz daz also staet behalten werd geb wir in den brief versigelten mit mein obgenancz Erhartz dez Hagens von Spilberch anhangendem insigel, vnd zu ainer guten geziuchnu^esse mit Hainrichs dez Chersperger insigel zu der zeit pfleger ze Steir an dez erbern ritters stat hern Niclas dez Schekhen purkgrafen ze Steir, vnd mit Perchtolcz insigel an dem Aigen, in an schaden, vnd ist geschehen do man zalt von Cristi gepu^ert drevzehenhundert iar vnd in dem siben vnd fu^enftzichistem iar an sant Margareten tag.

Source Fulltext: OÖUB 7 (Wien 1876) S. 514f., Nr. 506