JCH Symon der Eyttenperger vnd mein hausfraw^e vnd all vnser erben, vergehen vnd tůn ku^ent allen, den der [prief] fu^ercho^empt, Daz wir mit wolbedachtem můet vnd mit vnserm gůetleichen willen, Dem erwirdigen Geistleichen herren abbt, Niclasen zů Ga^ersten, vnd seinem Gotzhaus ingeantwuert haben recht vnd redlich, auzz vnser nu^etz vnd gewer in die ieren Di hůeb genant datz den hofarn im Chreuspach, die vnser freyzz aygen ist, vnd gelegen in Wolfarer pharr vnd vnser Satz ist gewesen von Gotfriden dem Syntzenperger, vnd seynn erben, Di wir auch bestelt haben, von dem Gelt, daz her Symon der Venkk seliger dem egenanten Gotzhaus geschaft hat, Vnd haben daz getan, jn so^egetaner maynung, Daz wir noch all vnser erben fu^erbaz dhayn ansprach gegen der egenanten hůeb, haben noch gewynnen sullen, noch mu^egen weder mit recht noch an recht, Vnd tůen vns auch ze fuertzicht mit dem gegenwuertigen prief. Wir offen auch, wer di egenanten hueb von dem Gotzhaus haben welle, Daz der dem Gotzhaus vnuertzogenleich geben sulle fvnftzkch phunt wienner phenning, als daz vnser Satzprief lautt, Den ich von Gotfriden dem Syntzenperger vnd sein erben gehabt han, vnd den ich nv^en dem egenanten abbt Niclasen vnd seinem Gotzhaus, han ingeantwůert. daz di handlung also stat vnd vnuerchert beleib, darvber gib ich obgenanter Symon Eyttenperger fur mich vnd all mein erben, den prief versigelten mit meinem anhangu^enden insigel, vnd zu einer gůeten pezzrer getzeugnu^ezz vnd sicherhait mit der erbern, Hawnolts des Rew^eter vnd perchtolts am aygen di zeit Richter ze Gersten mit i^err paider anhangunden jnsigel, De si durch meiner vleizzigen gepet willen an den prief gehangen habent in vnd i^err paider erben an schaden. Der prief ist geben an sand Michels tag Nach Christi gepuerd Drew^etzehenhundert jar, Darnach in dem Siben vnd Sibentzkistem jare.

Source Fulltext: OÖUB 9 (Wien 1906) S. 324-325