ICh Go^etfrid der Sintzenperger vnd all mein erben, wie di genant sind, vergehen vnd tuen chund allen la^ew^eten, di den prief sehent oder ho^erent lesen, daz wir mit wolbedachtem muet vnd mit vnsrer nachsten vnd pesten frewnt rat vnd gunst, zu der zeit, do wir es wol getuen machten, recht vnd redleich versatzt haben vnser hueb genant datz den hofa^ern, im Chreuspach, di vnser freys aigen ist, vnd ist gelegen in wolfarer pfarr, dem erbern chnecht Symonn dem Eytenperger, seiner hausfrawn vnd ieren erben mit allen den eren, rechten vnd nu^etzen, vnd darzue geho^erent, versuecht oder vnuersuecht. ze holtz, ze veld, ze waid vnd ze wismad, oder wie die nu^etz genant sind, vmb fu^emtzk pfunt wienner pfening, di er vns berait an rechten no^eten gelihen hat, vnd schol all iar losung sein an sand jo^ergen tag vmb di vorgenanten pfening vnd zu dhainer andern zeit nicht im iar. Wir haben in auch di egenant hueb in geantwurt aus vnsrer nutz vnd gewer, in di ieren, daz si allen ieren frum damit schaffen mu^egen mit versetzen oder mit verchauffen, vnd geben, swem si wellent, daz wir noch all vnser erben sew daran nindert saumen schu^ellen noch mu^egen weder mit recht noch an recht in dhainen wegen. War awer daz, daz vnsrer erben yemant di hueb haben wolt vnd darnach sprechen, der schol dem vorgenanten Symon dem Eytenperger, seiner hausfrawn vnd ieren erben geben di obgenanten fu^emtzk pfunt wyenner pfening, zu dem tag, als oben genant ist. Wir wellen auch der obgenanten hueb ir gewer sein fu^er all chrieg vnd ansprach, ze hof, ze Taiding, oder wo in des not ist, als satzes recht ist vnd des Lands recht ob der Ens, vnd na^emen sew dar v^eber des satzs dhainen schaden mit dem rechten, wie so der genant wa^er, den selben schaden mitsampt dem haupguet loben wir in gentzleich mit vnsern trewn widerzecheren, vnd schu^ellen auch daz haben auf aller vnsrer hab, wo wir di haben auf wazzer oder auf dem land, vnd davon becho^emen, so si nachst mu^egen, mit vnserm gu^eetleichem willen, daz wir noch all vnser erben sew nindert daran ierren schu^ellen noch mu^egen, wir sein lemtig oder tad. Daz di handlung also sta^et vnd vnuerchert beleib, darv^eber gib ich obgenanter Go^etfrid der Sintzenperger vnd all mein erben den prief versigelten mit meinem anhangundem insigel vnd mit meins lieben O^ehaims Jansen des winnwerger anhangunden insigel, mit des wizzen vnd gunst daz geschehen ist, vnd zu pezzrer getzeugnu^ezz mit der erbern Perchtolds am aigen zder zeit Richter ze Gersten vnd hermans des Mu^elrieder anhangunden insigeln in an schaden. Der prief ist geben nach christi gepurd drewtzehen hundert iar, darnach in dem Siben vnd Sibentzkisten iar an sand Johans tag ze Sunebentten.

Source Fulltext: OÖUB 9 (Wien 1906) S. 268-269