In nomine domini Amen, quia uariacio temporis noticie causam (?) nouercatur, legum uult scrupulus seriem geste rei fidelis scripti testimonio sollerter ac fideliter confirmare. Nos igitur Otacharus dei gracia Boemorum rex, dvx austrie et stirie, marchio morauie notum facimus vniuersis presentes literas inspecturis, quod inspectis et consideratis officijs et meritis venerabilis viri dilecti capellani nostri domini hainrici Abbatis ecclesie de Ma^ennse patauiensis diocesis de ... libera et regia maiestate de limitibus nostris et ecclesie memorate, de quibus inter nos est contencio diucius agitata, eidem ecclesie recognouimus omnia sua iura renunciantes omni questioni, siquid forte ab antiquo in eisdem habuimus uel noscimur iam iam habere, conferentes insuper et donantes predicte ecclesie principaliter propter (deum et ob remedium anime nostre de possessionibus nostris circa nostros limites utrobique duo talenta annuatim infra Yskalam) fluuium atque Trunam, ita quod eisdem redditibus pacifice et quiete dicta ecclesia gaudeat in posterum pleno iure, maxime cum in presencia serenitatis nostre ostenderit et probauerit idem abbas predictas possessiones ab antiquo ad suam ecclesiam pertinere. In cuius rei testimonium presens scriptum nostre maiestatis karactere fecimus insigniri presentibus testibus subnotatis: dominus philippus electus Salczpurgensis, Otto Tu^emprobst eiusdem ecclesie, Otto de perchtolstorf, albertus de zelking, dietricus pincerna de Tobra, Rugerus pru^eschinch, wernhardus et alkerus fratres de grampperch, Otto de otnang et alij quam plures. Datum in lincia kalendis decembris Anno domini M. CC. LXII etc.

Source Fulltext: OÖUB 3 (Wien 1862) Nr. 310, S. 293