Ich Johans der Redla^er von Sichdenberch¹ und ich Eufemia sein hausvrawe, wir veriehen offenleich an disem prief^b allen den, di in sehent oder horent lesen, di nu lebent oder her nach chuenfdich werdent, daz wir mit wol bedachdem mu^et und mit gesamter hant ze der zeit, do wir iz wol getu^en mochden, haben gegewen den erba^eren geistleichen la^euden den prudern ze Padem ein haus in dem dorff datz Scholach, daz ver Perchden^c2 ist gewesen weilent und nu unser aigen ist. Daz hab wir in gegewen lauterleich durch got und durch aller unserr vorvodern sel willen, also bescheidenleich, daz di vor genanden geistleich pruder schullen ewichleich zweintz mess alle iar fur uns und fur alle unser vorvodern sprechen, in den oht tagen ze weinachden zehen und nach sant Peters tage in dem sumer auch zehen, und wil auch ich Johans der vor genant und mein hausvrowe vroe Eufemia des vor genanden haus scherm sein nach des landes recht ze Osterreich, daz wir in andacht haben gegewen den vor genanden geistleichen prudern ze Padem. Daz deu red gantz und unzeprochen beleib furbaz, dar uber so gib ich vor genander Johans und Eufemia mein hausvrowe disen prief, versigelten mit mein Johans insigel zu einem woren gezeug und zu einem rechten urchu^ent fu^er alle ansprache. Der prief ist gegeben, do von Christ gepu^ert ergangen waren tausent jar, dreuhundert jar, darnach in dem vier und zwainzkistem jar des suntags Judica.

Source Fulltext: MAURER, Augustiner-Eremiten Baden (=FRA II/89, Wien 1998) S. 102-103