Wir, brueder Conrad zu den Zeiten prior¹ und der convent zu Wien augustiner ordens, bruder Ulrich der prior² mit den convent zu Baden, bruder Hainrich der prior mit dem convent zu Marck^a, bruder Hainrich der prior mit den convent zu Prouck^b des vorgenanten ordens, verriechten unnd thuen khundt offentlichen an diesem brieff allen denen, die diesen brieff lesendt oder hörendt lesen, die nu leben und hernach künfftig seint, daß wir alle gemain^c und gleich mit einander, mit gemein raht unß verbunden und verbundten haben und all unser nachkhomben der vorgenanten closter desselben ordens, daß wir an der stifft zu Gottesthall, die uns und unsern ...^d der edl unnd der weise man, unser gnediger und lieber herr h(er) Eberhart von Wallsee³ und sein andechtige haußfraw fraw Anna⁴ und seine^e erben habent geben und stifften leutterlichen^f durch Gott und ewige seelichkeit ihr und aller, der sie angehörent sein, sie sein lebendig oder todt, zu bezahlen und zu volführen^g alle die pünte und satze, die hernach an diesem brieff geschriben und genant stehen. Daß erste ist, daß die brüder der vorgenanten closter stifftt^h zu Gottestahl unverruckt und unverwandetⁱ stettes bleiben, es gefahle dann dem vorgenanten stiffter ain anders, deß sollen^j sie gewaltig sein und wir gehorsamb. Und wan ihr ainer daselbst stirbt, daß man ihnen kainen von den andern closter an deß totten statt nit^k geben soll, sondern sie sollen einen durch Gott da in dem orden emphahen nach ihren gewissen und nach ihren trewen, der sie Gott unnd dem orden gebunden seind. Es soll doch kein maisterschafft unsers ordens uber alles ihr guet, daß sie haben oder gewinnen und sie antrifft, nicht gewaltes haben zu gebieten¹ oder zu thun, sonst oder so khein weiß, dann alß vil ein collect, das ist ein steur, die unser capittel auff die closter legendt, daß sie die mittragent, trug hinzu drithalben pfundt unnd nicht mer. Sie sollen auch frey wahl haben zu nemben und wollen einen prior auß ihren convent und von anderstwo nicht. Sie sollen auch ihre ambtleuth innen und auß setzen, wie sie wöllent, darzue soll man sie zu keine terme^m nicht schaffen, noch sollen sie keinen term nitⁿ besuchen. Sie sollen auch kein brueder von andern clöstern da sich nit^o so langer frist enthalten, nur alß ihren prior da und dem convent woll gefelt. Welcher bruder auch daselbst bueßwürdig wird, der soll auch derselben satt bueß tragen, alß unser regel unnd der orden hat. Und uber das alles, wan wir das unnd solche pünte und satze vervol^p genomben^q haben, damit wir behalten wollen die vorgenanten unser herschafft^r und stiffter und auch darzue ihr frembte hilff und genad, der wir warten^s und auch dürfftig sein, so verbinden wir uns auch darzu, so wir oder der orden der vorgenanten punt brichig würden, daß denne^t er, unser stiffter herr Eberhart von Waltsee^u, oder sein nachkomben thue fürbaß mit der seinen stifft, alß im fuege^v. Und darumb so loben wir alle, daß wir unser capittel und ordensbrieff werben^w wollen mit allen den trewen und vleiß, alß wir uns an disen brieff verlübt und verbunten haben. Und daß diese red fürbaß also steht sey, darüber so geben wir disen brieff zu einem offen urkhundt, versigelt^x mit unser prior und convent insigil von Oestereich. Datum: dieser brieff ist geben zu Wien nach Christi geburt im^y dreyzehenhundert und dreyendreyssigisten jahr an s. Mariae Magdalenae abent^z.

Source Fulltext: MAURER, Augustiner-Eremiten Baden (=FRA II/89, Wien 1998) S. 117-119.