Wir Albrecht, von Gottes genaden herzog zue Österreich, zu Steyr unnd zu Khärnthen, thuen kundt offentlich mit diesem brief, daß nach der anndacht, der unnser lieber brueder herzog Ott sich gegen Gott verbunden unnd enthaißen hatt, durch seiner seelen hail unnd seiner zwayen haußfrawen, frawen Elßbethen unnd frawen Annen, den Gott genad, daß er wolle in ainer unnser stätt oder märckhten in unnsers lieben ohaimbs bischoff Albrechts von Paßaw bistumb stifften ain closter aus dem closter der brüder von Baden sanct Augustins orden zu lob Unnser Frawen ^a, so thuen wir ime durch unnser unnd unnser vorderen seelen hail und sälichkheit willen die hülff, daß wir ime darzue unnsern willen geben und gunst, lauterlich durch Gott, mit urkhund dits briefs, der geben ist zu Wien am montag nach sanct Martins tag nach Christus geburth uber dreyzehenhundert jahr, darnach in dem acht unnd dreißigisten jahre.

Source Fulltext: MAURER, Augustiner-Eremiten Baden (=FRA II/89, Wien 1998) S. 131.