Nos Albertus Dei gratia dux Austrie et Styrie ad universorum, quibus presentes ostense fuerint notitiam publicam, cupimus pervenire, quod veniens ad nos fidelis noster dilectus Ruodolf de Liechtenstain camerarius Styrie nobis humiliter supplicavit, ut privilegium civium oppidi in Zwetla a recolende memorie olim illustrissimum Leupold(um) ducem Austrie et Styrie predecessorem nostruma ipsis traditum et concessum dignaremur ex solita magnificentie nostre benignitate innovare, cuius tenor de verbo ad verbum integraliter sit subsequitur: In nomine sancte et individue trinitatis. Leupoldus Dei gratia dux Austrie et Styrie omnibus Christifidelibus salutem in perpetuum. Quia universorum subditorum nostrorum profectum diligimus atque promotionem et in omnibus quieti et tranquillitatis ipsorum providere intendimus in universis, que ad nos habent respectum, ex quibus eorundem utilitas pendere videbitur, ipsis amminiculari et cooperari prompti existimus. Hinc est, quod urbanos nostros Zwetlenses in negotiationibus suis proficere cupientes ipsis omne ius, quod Chre(m)msenses urbani nostri habent tam per terram quam aquam, donamus et impendimus ubique per terram iurisdictionis nostre euntibus atque negotiantibus. Ut autem hoc, quod in hac re eisdem nostra impendit benivolentia tam apud presentes quam apud futuros inoblitum et inniolatum permaneat, presentem super hoc paginam scribi sigillique nostri inpressione roborari subscriptioneque testium, quorum nomina sunt hec, confirmari iussimus: dominus Chrafto de Entzesbach, dominus Rapoto de Valchenberch, Wichardus dapifer de Veldesperch, Volricus Struno de Valchenstain, Heinricus de Tvlenow camerarius, Adelolfus dapifer, Lupoldus pincerna, Rudolfus camerarius de Symoningen, Dietmarus marscalcus, Pilgrimus de Swartzenow, Ruodolf de Potendorf, Dietricus de Liechtenstain senior, Marquardus de Himperch, Hugo de Eygen. Datum apud Zwetel per manum Vlrici notarii anno incarnationis Domini millesimo CCI^o indictione iiii^a quinto kalend. Ianuarii. Nos igitur volentes dictum R[uo]dolfum ob gratie devotionis et fide fidelitatis servitia, que nobis et fratribus nostris hactenus impendit et etiam impendere poterit in futurum, favore prosequi gratie singularis idem privilegium, gratas, libertates et iura, sicut superius scripta sunt et etiam subsequenter dive memorie dominum Ruodolfum quondam Romanorum regem avum nostrum innovata extiterunt, similiter innovamus, approbamus et presentis scripti serie confirmamus, volentes eisdem civibus in Zwetel dictas gratias, libertates et iura ab omnibus rata, incon[vulsa] et etiam illesa perpetuo confirmari. Si quis autem h[o]rum transgressor seu temerarius violator repertus fuerit, se nostre excellentie et successorum nostrorum indignationem noverit incursurum. In cuius innovationis gratie et libertatis evidens testimonium et evidentiam pleniorem sigillum nostrum presentibus est appensum. Datum Wienne anno Domini millesimo tricentesimo tricesimo die beate Katherine virginis et martiris.

Source Fulltext: Transkription: Mag. Klaus Birngruber, Dr. Herwig Weigl