ICH Wernhart der Druchsaetz von Reicherstorf vnd mein erben wier veriehen offenleich mit dem prief allen Leuten Daz wier geben haben vnsers rechten chauf aygens drei vnd drei schilling winner phennmg auf Vlreichn im Pavmgarten von Edlitz in der Chuelb vnd fumf vnd ochtzik winner phenning auf eim weingarten pei Mitigang hinder Reicherstorf der ze Purchrecht dient aeyn phenning Hern Chunrat von freuntzhausen der selb gelt erstat di aindlef phunt gelts an dem stift brief der do sait vber die Chappln ze Reicherstorf vnd ze einner sicherhait vnd waren geczeug der sach gib ich vorgenanter Wernhart den prief versigilt mit mein anhangunden Insigil vnd mit Hern Chunrats von freuntzhausen des erbern Ritter anhangunden Insigil. Der prief ist geben nach Christes geburd dreuczehen hundert iar dornach in dem Sechczigisten iar an sand Cholmans tag.

Source Fulltext: FAIGL, Herzogenburg (Wien 1886) S. 243