Wir Albert von Gots gnaden Hertzog ze O^esterreich ze Steyr, ze Kernden vnd ze Krayn Graf ze Tyrol etc. Embieten vnsern getrewn Chùnrat dem Inprukker vnd Chùnrat dem fritzesdorffer Purggrafen ze Lengpach vnser gnad vnd alles gu^ot. Vmb das Gu^ot gelegen ze Hertzogenburg das da ist der erbern geistlichen vnser lieben andaechtigen . . . des Abts von Varnbach . . . des Probstes von Hertzogenburch . . . des Probstes von sant Andre. Emphelhen wir ew gar ernstlich vnd wellen Daz ir dasselb gu^ot vnuertzogenleich tailet vnder die vorgenanten drey den Abt vnd die Pro^ebst also daz ieklichem geleicher tail widervar vnd ainem nicht mer denn dem andern. Wann daz gentzleich vnser wille vnd mainvng ist. Geben ze Wyenn an Mittichen vor dem Svntag Oculi in der Vasten. LX° VII°.

Source Fulltext: FAIGL, Herzogenburg (Wien 1886) S. 250