Ich Ruepprecht der Sebech vnd ich Dorothe sein Hausvrawe vnd all vnser Erben. veriehen offenleich mit dem prief allen la^eutten die da lebent oder die hernach chunftig sind. Daz wier recht vnd redleich verchauft haben, vnsers rechten purchrechtz, daz wir ze purchrecht gehabt haben von Sand Jorigen Gotzhaws zu Hertzogenburch vnsern Hof zu Gumpolting da auf gesezzen ist Cchunrat vnd Stephan des Wolfz Hausfrawe vnd da man vns alle iar ja^erleich von gdient hat ain mut charn ain mut habern auf sand Giligen tag vnf funf vnd drey schilling phening auf sand Michels tag zwa gens vnd vier herbsthu^ener all hochzeit zwen ches schol yeder ches acht phennig wert sein zway vaschang hu^ener zu Ostern Sechczig ayr vnd nich mer davon wir dem vorgenanten Gotshaws zu Herczogenburch ja^erleich gedient haben drey schillingphennig zu rechten purchrecht an sand Michels tag vnd nicht mer. Den vorgenanten Hof zu Gumppolting mit alle dew vnd darzu gehort zu veld vnd ze dorf gestift vnd vngestift versucht vnd vnuersucht wie daz als genant ist hab ich vorgenanter Ru^epprecht der Sebech recht vnd redleich verchauft dem Probst sand Go^ergen Goczhaws zu Herczogenburg vnd den Chorherren da selbs auf daz ampt ierr Oblay vmb an ain halb phunt funczig phunt gemainer wienner phennig der wir gancz vnd gar verricht vnd gewert sein. wir sein auch ich vorgenanter Rupprecht der Sebech vnd mein erben des vorgenanten Hofs vnd was dar zu geho^ert ier recht gewer vnd scherm fu^er all ansprach als purchrechtz recht ist vnd des Landes recht in O^esterreich. Wa^er aber daz in daran icht abgiengoder daz sy chain ansprach oder chrieg dar an gewtinen mit recht waz sy dez schaden na^emen. den selben schaden schulln wir in ab legen vnd widercheren gancz vnd gar an alle iren schaden vnd schullen sy daz haben auf vns vnuerschaidenleich vnd auf alle vnserm gut daz wir haben in dem Land ze O^esterreich. wir seinn lemptig oder tod. Vnd daz der chauf vnd die wandlung fu^erbaz also stet vnd vnczerprochen pleyb darv^eber gib ich vorgnanter Rupprecht der Sebech fu^er mich vnd mein Erben dem obgenanten Probst Jacobn zu Herczogenburg vnd dem Conuent da selbz den prief versigelten mit meinem aygen anhangunden Insigel vnd der sach sind auch geczeug mein su^en Erhart vnd Gorig die Sebechn vnd mein Veter Jans der Sebech von Sebach mit iren anhangunden Insigeln. Geben da man zalt nach Christi gepurd drewczehen hundert jar dar nach in dem Newn vnd Sibenczigisten jare an dem heyligen Auffert Abent.

Source Fulltext: FAIGL, Herzogenburg (Wien 1886) S. 289-290