ICH Hainreich der Muerr zu Herczogenburch vergich fu^er mich vnd fu^er All Eriben vnd Tun chund offenlich mit dem brief allen lawten gegenburtigen vnd chunftigen den der brief fur chumt daz wir vns verczicht getan haben vnd verczeichen vns recht vnd redlich mit dem brief Gegen dem Er wirdigen Geistlichen herrn Probst Merten Sand Goerigen Goczhaws zu Herczogenburch vnd allen seinen Nachkomen vmb all die zuespruch vnd vodrung So wir hincz dem vorgenanten Goczhaws gehabt haben von Erst von des haws wegen gelegen auf der widem zu herczogenburch vnd mit aller zuegehorrung gegen dem vreythoff Tor vber vnd von der dienst wegen so Ich Egenanter Hainrich Mu^err dem vorgenanten Goczhaws vncz auf den hewtigen Tag gedient han also weschaidnlich daz Ich nach all mein Erben nach Nyemant von meinen wegen von des obgenanten haws wegen noch von der dienst wegen vnczt her gegen ym vnd seinen nachkomen nymermer chain zuespruch noch vodrung schulln haben in chainen wegen weder vil noch wenichk wann sew vns fu^er all dew zuespruch an dem haws vnd des dienstz vncz her gegeben habent fvnff phunt wienner phennmg der wir ga^enczleich vnd gar verricht vnd gewert sein zu rechten Tagen furbaz mit dem vorgenanten haws alln irn frum schaffen verchawffen verseczen geben wem sew wellent. Daz Es alles furbaz stat vnd vnczebrochen weleib dar vber zu vrchunt vnd vestigung der sach Gebn wir dem Erwirdigen geistlichen herrn Probst Merten sand Gorigen Goczhaws vnd alln seinen nachkomen den brief versigelt mit der Erbern Mann Ruegers von Rust Marchtrichter zu herczogenburch vnd Merten des hosmarcht. die wir vleiczlich gepeten haben das sew der sach zewg sind mit irn anhangunden Insigln in paiden an schadn wann wir nicht aygen Insigl haben dar vnder wir vns verpinden mit vnsern Trewn als daz stat ze haben daz var geschribn stet. Gebn zu Mitter vasten nach Christ geburt drewczehen hundert Iar darnach ym zway vnd Newnczigisten Iar.

Source Fulltext: FAIGL, Herzogenburg (Wien 1886) S. 340-341