ICH Niklas der Puechler dieczeit Phleger dacz Zayssenmawr vnd ich Kathrey sein Hawsfraw^e vnd ich Anna Mathesen von He ^a derstorff Seligen Tochter dem got gnad vnd ich Niklas der Gu^etraiff des Egenanten Mathesen Seligen Prueder vnd ich Larenz Wildung des vorgenanten meins lieben vettern Mathesen Prueder Sun Ich me\andel der Swebl von Tiemdorf vnd ich Hanns der Graff von Strazz. Wir veriehen fu ^e r vns vnd fu^er all vnser erben vnd miterben und tu^en chunt offenleich mit dem brieff allen den die den brieff lesent sehent oder ho^erent lesen die nv^e lebent vnd her nach chu^enftig sind, das wir mit veraintem muet aller vnser erben gu^etleichen willen vnd gunst mit wolbedachtem muet vnd auch nach Ratt vnserr nachsten vnd pesten frewndt zu der czeit da wir es wol getu^en mochten, verchauft haben vnsers Rechten freyn Aygens vnsern Hoff gelegen dacz Partschalich in Rewdinkcher pharr vnd zwen vnd dreizzikch wienner phennig gelts gelegen daselbs auf v^eberlent die in denselben hoff geho^erent vnd alles das. das dorczue geho^ert Es sei holcz wismat Aekcher ze veld vnd ze dorff Es sei gestift oder vngestift versuecht oder vnversuecht wie so das genant vnd wa auch das gelegen ist, darinn nichts ausgenomen vnd hindan gesaczt, vnd ain viertail zehent auf dem selben hoff vnd auf aller seiner zuegeho^erung grozzen vnd chlainen ze veld vnd ze dorff das Pu^erkrecht ist von dem Erwirdigen Geistleichen Herren dem Abpt des Gotzhaws ze Sand Marein zelle vnd dauon man Im ierleich dient vier wienner phennig an Sand Michels tag ze Pu^erkrecht vnd nicht mer. Den vorgenanten hoff vnd alles das das darczue geho ^e rt mit Sampt dem viertail zehent als vorbenant ist haben wir Recht vnd redleich verchauft vnd geben mit allen den nu^eczen vnd rechten als wir das Aygen in Aygens gewer vnd das pu^erkrecht in pu^erkrechts gewer herpracht haben vnd als es alles mit allter herko^emen ist vmb anderhalb hundert phunt vnd vmb fu^emff phunt phennig alles gemainer wienner mv^enizz der wir gancz vnd gar verricht vnd gewert sein ze rechten tegen den Erbern Geistleihen herren dem ganczen Conuent Sannd Goerigen goczhaws ze herczogenbuerg vnd allen iren Nachko^emen auf ir Messe daselbs fu^erbas ledigchleich vnd freyleich ze haben vnd allen iren frumen damit ze schaffen mit verchauffen verseczen Schaffen machen vnd geben wem sy wellent an alle Irrung. Wir sein auch mitsampt allen vnsern erben unverschaidenleich des vorgenanten hoffs vnd alles des das dorzue geho^e rt als vorbenant ist mitsampt dem viertail zehent als auch vor verschrieben steet der Egerianten Geistleihen herren vnd aller irer Nachko^emen Rechter gewern vnd Scherm fu ^er alle ansprach . . . vnd des ze v^erchunt. vnd einer ewigen bestetigung der oben geschriben sach So geben wir Ich Niklas der Pu^echler die czeit Phleger dacz Zayssenmawr vnd ich Kathrey sein Hawsfrawe vnd ich Anna Mathesen von He^aderstorff Seligen tochter vnd ich Niklas der Guetraiff des egenanten Mathesen seligen Prueder vnd ich Larencz Wildung des vorgenanten Mathesen Prueder Sun vnd ich Mendel der Swebl von Tiemdorff vnd ich Hanns der Graff von Strazz fu ^er vns vnd fu^er all vnser erben vnd miterben den Erbern Geistleihen herren dem ganczen Conuent Sannd Go^erigen goczhaus ze Herczogenburg vnd allen iren Nachko^emen den brief Besigelten mit meins Egenanten Niklasen des Pu^echler anhangundem Insigel wann ich vorgenantew Kathrey sein hawsfrawe die czeit aigen Insigl nicht gehabt hab verpint ich mich hinder meins lieben wirts Niklas des Pu^echler insigl alles das ste^at ze haben das vorgeschriben steet. vnd wann ich vorgenante Anna auch dieczeit nicht aigen Insigl gehabt hab hab ich vleiczlichen gepeten meinen lieben vettern Petern den Hahenawer das er sein Insigl an den brieff gehangen hat Im vnd seinen erben an schaden, daru^ender ich mich verpint mit meinen trewn angeuerd. alles das stet ze haben das vor geschriben ist vnd wann wir obgenant Ich Niklas der Guetraiff vnd ich Larencz Wildung Ich Mendel Swebl vnd ich Hanns der Graff auch dieczeit nicht aigen Insigill gehabt haben, haben wir vleizlichen gepeten den Erbern fridreihen den Gueller dieczeit vnsern Richter ze He^aderstorff das er sein Insigill an den brieff gehangen hat Im vnd allen seinen erben an schaden vnd darv^ender wir vns verpinden mit vnsern trewn an aydes Stat vnd angeuerde alles das stet ze haben das vor oben geschriben steet. Geben Nach Kristy gepuerd vierczehenhundert Iar, darnach in dem dritten Iare an Samcztag noch Sannd Michels Tage.

Source Fulltext: FAIGL, Herzogenburg (Wien 1886) S. 355-357