Dominis et amicis karissimis. A Dei gracia Saltzburgensi preposito. C. decano. H. Sacriste eiusdem ecclesie iudicibus a sede apostolica delegatis. C. de sancto Valentino eadem miseracione pataviensis ecclesie canonicus et archidiaconus promptum cum oracionibus seruiendi affectum. Nisi fuissent negocia domini nostri pataviensis episcopi ardua et magna, cui racione consilii presentiam nostram ad presens subtrahere non potuimus, cum karissimo domino et amico nostro. O. venerabili abbate Lambacensi, qui in causa sua nostrum sibi fore dicit testimonium necessarium, ad vestram accessissemus presenciam, sed quia prealigatum nos retrahit impedimentum, quantum in nobis est et cause sue potest ... scriptum presens sigilli nostri rnunimine roboratum discrecioni vestre dirigimus pro ipso abbate sub uirtute obediencie, qua romane ecclesie generaliter tenemur, sic ferentes testimonium. Cum Abbas Lambacensis A. de Aldespach et de Gersten abbatibus college sui E. frisingensis decani vicegerentibus iudicibus a sede apostolica delegatis cilatus fuisset super causa, que uertebatur inter ipsum e Abbatem de Chremsmunster ipse abbas Lambacensis exhibito sibi papali autentico eidem opposuit per procuratorem suum, quod tali vero suppresso et tali falso suggesto esset obtentum, quod nulla per ipsum autenticuin iudicibus ipsis esset iurisdictio acquisita, preterea, quod iudices eo invito et reclamante prepositum sancti Nicolai ad assidendum sibi uocauerint, qui, quia causam adhuc indecisam cum ipso abbate habet, omnino suspectus ipsi fiat et quia cum in precedente articulo et eciam in isto probaciones in continenti optulit et ipsi iudices illas admittere noluerunt, abbates ipsos tanquam reuera suspectos recusans, quia ad arbitros secum descenderent, coram quibus probaret, predicta petiit, quod cum ab eis sibi negaretur, ipse ad appellacionis beneficium conuolauit. Huic facto nos, qui presentes fuimus et ad hoc specialiter rogati sicut premisimus, pro abbate Lambacensi testimonium coram uobis perhibemus.

Source Fulltext: OÖUB 4 (Wien 1867) S. 557-558, Nr. VIII (Anhang)