Ich Hertneid Hebrant (!) Alber vnd Hainreich dy Otzpekchen vergehen vnd tuen chund allen den, dy disen brief sehent oder lesen ho^erent, das wir unsern hof ze Wäczling vnder Wolffsekk, der vnnser recht aygen ist ze kauffen haben gegeben Helmharten dem Tutschenperger an das gotshaws ze Lambach in dew Chamer zw der herren gwant, dem egnanten Helmharten vnd seiner hawsfrawn vnd auch vns zw ainem selgraedt mit vnserm guetliehen willen vnd auch mit aller vnser erben vnd was zv dem hoff geho^ert versuecht vnd vnuersucht mit aller sta^et vnd verpindent sich all vnnser erben hinnder vnser dreyer insigel, wann sy nicht aygens insigels haben. Vnd das das allenthalben sta^et vnd vnzebrochen beleib, darvber geben wir disen prief zv ainem vrchund versigelten mit vnsern insigeln. Vnd ist das geschehen, do man zalt von Christes gepurt drewezehen hundert jar darnach in dem ains vnd dreyssigistem jar des mitichens nach vnser frawntag der dinstezeit.

Source Fulltext: OÖUB 6 (Wien 1872) S. 638, Nr. 81 (Anhang)