Ich Chunrat von O^eding vnd mein swester ffraw Percht veriehen offen daz wir haben gewaruen von dem erbern herrn herrn Dy^etmaren probst ze Reichersperig vnd von dem conuent daselb ein halbew hub ze O^eding vnd ain virtail da selb vns vnd vnsern erben di wir yezunt haben oder noch gewinnen also, daz wir in ia^erchleich da von dienen schullen auf sant Jacobstag vi^erzehen schilling pfenning vnd vi^er hu^ener, vnd schullen in irew stifttaiding chomen mit ainen halben pfunt pfenning vnd mit vi^er hu^enern, vnd di weiseit di durich recht da von geho^erent, daz sint von der halben hueb sechzig ayr vnd sechs cha^ez vnd von dem virtail dreyzzig ayr vnd sechs cha^ez. Verzugen wir in den vorgenannten dienst, so habent si vns gewalt ze pfenten, wir schullen auch nicht versetzen noch verchaufen nu^er mit irem guten willen. Si habent auch alle di recht hincz vns sam hincz andern iren pehausten holden vnd dar vmb sullen si vns versprechen sam andern ir wehaust holden. Datum anno Domini M° ccc° quinquagesimo primo. Martini episcopi et confessoris. Datum sub sigillo domino Hainrici Talhamarii de Pirchach.

Source Fulltext: OÖUB 7 (Wien 1876) Nr. 264, S. 270