Ich Ha^essk von Walperspach mein hawsfraw und all unser erben verjehen, das wir haben gewarfen und bestanden von dem erbern herren hern Dietmarn probst ze Reichersperg und von dem gotzhaws daselben irn zehent ze Stalhof klain und grozzen als er von alter herkomen ist, ze flust und ze gewing von hinn untz auf die liechtmess die schirst kümbt und darnach über ain jar, also die zwen nütz umb zway und dreizzik pfunt pfenning wienner münzz an den leytchauf der wir sew gar und gantz gewert und gericht haben mit solicher beschaiden, wenn sich die vorverschriben vrist verget und verlauft, so haben wir fürbaz nichtz mer darauf ze sprechen weder wenig noch vil und mögen den fürbaz lassen mit unserm guetleichen willen wem si wellent. Mit urchund des briefs den ich vorgenanter He^assk von Walperspach darumb gegeben han versigelten mit meinen anhangunden insigl, nach Krists gepurd drewtzehen hundert jar darnach in dem syben und sechtzkisten jar an sand Pangracentag.

Source Fulltext: OÖUB 8 (Wien 1883) Nr. 327, S. 320f.