C. In nomine Patris et filii et spiritus sancti. Gvndachrus de Steinpach omnibus christi fidelibus in perpetuum. Quia uiri religiosi in monasteriis degentes die ac nocte in diuinis obsequiis deo iugiter seruiunt et laici secularibus occupationibus irretiti raro diuinis uacant ministeriis, salubre remedium est, ut diuites in seculo ad usus seruorum dei de suis possessionibus aliqua conferant, ut ipsi in illorum orationibus et ministeriis pro sua deuocione diuina largiente gratia ratam habeant conmunionem. Ego igitur Gundacharus hac spe inductus cum haberem hvbam unam iuxta uillam, que avsten dicitur, sitam hereditaria michi proprietate adtinentem, quam quidem burgensis anesij sifridus nomine feodali a me iure tenuerat, Sed fratres de domo sancti floriani eandem hvbam ab ipso res suas illi conferendo de consensu meo redemerant et ille eam michi tali adiecta condicione, ut eam ecclesie sancti floriani traderem, per nuncios meos sub ydoneis testibus resignauerat et suo iuri in illa renunciauerat et ego consequenter prefatam hvbam per nuncios meos et literas meas fratribus in domo sancti floriani uoluntarie et libere, item sub ydoneis testibus legitima donatione licet absens tradidi. Uerum ut illa donatio mea, quam absens feceram, debita et rata firmitate constaret, procedente tempore ad domum sancti floriani personaliter accedens sepe dictam hvbam ad habundantem cautelam peticione fratrum eorundem super altare sancti floriani potestatiua manu delegaui et tradidi cum omnibus pertinenciis suis, quesitis et inquisitis, cultis et incultis, pratis et pascuis et omnis generis utilitatibus. Et ut hec mea donatio futuris temporibus rata et inconuulsa perrnaneat, hanc inde paginam feci conscribi et sigilli mei inpressione muniri. Huius rei testes sunt Meinhardus scriba dvcis in aneso, Engelger miles de albenowe, Rugerus de Grv^enpurch, Sigehardus piber, Hertnidus de altenhoven, Vlrich de vatersheim, Ortolfus officialis suus de wiltperch, Dietmar de tamprvkke, Rudolf de winchil de riedmarchia, Otto de planchenpach, charln niger de Riedmarchia, Meingoz magister hospitum, Walther cocus, Chvnrat prvkslegel, Rudolf mesiner, Chunrat Mesiner, Chunrat gener, chunrat Monachus, Heinrich Pertil, Otto de Gatern, Heinrich pevteler et alii quam plures. Datum in domo Sancti floriani Kalendis decembris anno ab incarnatione domini M.CC. X.L.

Source Fulltext: OÖUB 3 (Wien 1862) S. 84-85, Nr. 80