Reuerendo in christo patri ac domino Chunrado preposito domus sancti Floriani ceterisque dominis et confratribus in eodem collegio christo militantibus frater Hartpernus fratrum Minorum amministracionis Austrie Minister et seruus oraciones in domino et ex deuoto affectu, quitquid potest reuerencie et amoris deuocionem. Dum vestram accepcionem gratissimam, quamvos ad ordinem nostrum habere pia fratrum relacione cognoui, affectu sincere caritatis acceptans ac eidem uestre deuocioni vicissitudinem rependere cupiens salutarem, vos ad vniuersa et singula prouincie nostre suffragia et precipue conuentus Linziensis, quem fouetis beniuolencia speciali, tam in morte recipio quam in vita, plenam vobis pater et domine Karissime et vniuersis vestris concanonicis et fratribus omnium bonorum participacionem tenore presencium comedendo, que per fratres michi conmissos operari dignabitur clemencia saluacionis; Adiciens nichilominus, vt, cum vester obitus, pater ac domine vel alicuius de vestro Collegio fratribus in Lintza et per eosdem fratres aliis fratribus per nostram prouinciam fuerit nunciatus, fiant pro uobis suffragia, que pro nostris confratribus et amicis specialibus conmuniter fieri consueuerunt. Gracia domini nostri iesu chrjsti cum spiritu nostro. Amen. Datum in Lintza in Capitulo prouinciali Anno domini M. CC. LXXIII. VII. Kalendas Maii.

Source Fulltext: OÖUB 3 (Wien 1862) S. 396-397, Nr. 430