Ich Ha^ertweig herren Rugers sun von Hu^ett vergich offenleich vnd tu^en chunt mit disem gegenwu^ertigen brief allen den, die in sehent oder ho^ernt lesen, di nu sind oder hernach chu^enftig werdent, daz ich mit gu^etem willen meiner Hausfrawen vrawn Agnes vnd meiner pru^eder albers vnd Otten, mit willen meiner chinde Otten, Jansen, Elspeten vnd Agnesen, die ich zu den zeiten gehabtt han, vnd mit andrer meiner freunt vnd Erben Rat zu der zeit, do ichs wol getu°n mocht, gegeben vnd geschaft han hintz dem Erbern Chloster hintz sand Florian mier vnd meiner hausfrawen vnd allen meinen vodern vnd nachchomen ze einem ewigen selgerat Naewn schilling vnd drei phenning geltes alles wienner, die man mier ia^erleich an sand Michelstag gedient hat von winthersdorf in dem forst, daz mein vreys aigen gewesen ist vnd darauf von meinen pru^edern getailt pin. Daz selb vorgenant gut han ich dem Probst vnd der sammung des vorgenannten Gotshaus gegeben ledichleich vnd freyleich mit allem dem Recht vnd ich daran gehabt han also, daz mein erben ansprach darauf nimmermehr gehaben schu^ellen mit so^eleicher beschaidenhait, daz die herren datz dem vorgenanten chloster meiner vnd meiner Hausfrawen iartag alle iar begen schu^ellen mit Vigili vnd mit selmesse, als gewo^endleich ist. Vnd schol der amptman dez selben Chlosters, der daz vorgenant gu°t besorigt, an dem selben iartag ain phunt phenning vnder die herren tailen vnd die vberigen phenning fu^er sein mu^e behalten, wa^er aber, daz daran dhain saumung fu^erbaz gescha^ech an ehaft not, so schu^ellen mein erben die vorgenanten herren darv^eber monen. Vnd wiert daiv nach die saumung nicht gepezzert, so schol mein na^echst erib sich dez gutes vnderwinden vns (sic) als long inne haben, vntzt die saumung gepezzert werd, vnd swann die pezzerung geschiecht, so schol der selb mein erib den vorgenanten herren daz selb gu^et wider ledich lazzen an allen chrieg. wolt aber er des wider sein, so schol in des vorgenanten Chlosters vogt dar zu^e betwingen. Vnd daz die wandlung vnd mein gescha^eft sta^et vnd vnzebrochen beleib, dar vber gib ich disen brief versigilten vnd bewart mit meinem jnsigel vnd mit den zeugen, die hie genant sint, her hainreich, her seybot pru^eder von volkenstorf, her Chunrat von Harthaim, her Ott von Perchaim, Dietmar von aistershatm, herwort von Chremstorf, Pilgreim von Ebelsperch vnd ander piderb lau^et genu°g, den ez chunt ist. Der brief ist gegeben do von Christes gepu°rd ergangen waren Dreutzehen Hundert iar darnach in dem acht vnd zwaintzkistem jar an sand Egidij tag.

Source Fulltext: OÖUB 5 (Wien 1868) S. 523-524, Nr. 523