Wir Fridreich von gots gnaden Romischer Chunich, all zeit ein merer des Reichs Enbeut vnsern getrewn Johan vnd Leutolt von Chu^enring vnser gnad vnd allez guet. Vns habent gechlagt die erbern Geistlichen la^eut von sand Florian, daz man in ier Zehent nicht geb in der Wachau, als ir prief sagen vnd von alter herchomen ist, vnd davon enphelichen wir ew ernstleich vnd wellen, daz ir schaffet, daz man in ir weinzehende geb vnd sev von vnsern wegen daran schirmt vnd swer in des wider wêr, den schult ir darzue notten. Der brief ist geben ze Chrems an suntag nach sand Giligen tag in dem funfchenden jar vnsers reichs.

Source Fulltext: OÖUB 5 (Wien 1868) S. 551, Nr. 551