Nos Wernherus diuina miseracione Prepositus, Fridericus Decanus Totusque domus sancti Floriani Conuentus — Notum esse volumus vniuersis et singulis presentem paginam inspecturis, quod vir discretus Hainricus Plebanus in Hainrichslag prouida consideracione sempiterna transitoriis anteponens et thesaurum sibi recondens in celis ob anime sue Remedium vineas duas sua pecunia conparatas vnam sitam in Paztal secundam sitam in Monte, qui Gvgengarr dicitur, Nobis et Ecclesie sancti floriani per manus viri prouidi Rudolfi dicti Wolfravttarii Magistri montis resignando spontanee tradidit et donauit jta, vt legittime et quiete in possessionis indicium jus montis de dictis vineis in debito et statuto termino singulis annis reddere teneamur. Considerantes igitur magnum et pium sue deuocionis affectum predictas vineas memorato Hainrico sacerdoti de communi consilio nostri Capituli iure precario concessimus cum omnibus prouentibus et vtilitatibus ad vite sue tempora solummodo possidendas. Adicimus etiam, vt si necessitate cogente, quod absit, ipsum precarium vendere oportebit non vltra, quam pro vite sue tempore in personam aliam discretam et placentem nobis non irrequisitis liceat commutare. Post mortem vero ipsius dicte vinee tamquam ad legittimos possessores pleno iure ad nos et predietam nostram Ecclesiam reuertentur. Intellecto vero quamprimum resolucionis seu termino siue die Corpus suum in quocumque loco nostre Dyocesis eum decedere contigerit, ad Monasterium nostrum ibidem sepeliendum in nostris sumptibus, si expense sibi defuerint, quantocius adducatur ab inde diem Anniuersarium in vigilia et Missa pro defunctis vt confratri nostro more solito annis singulis perpetuo peragendo, Et in Eodem anniuersarii sui die debent de Minori vinea Preposito, qui pro tempore fuerit, vna libra denariorum et de Maiori vinea fratribus de Conuentu sine contradicione sev abolicione due libre denariorum wiennensium ministrari. Et vt hec omnia et singula, vt predicta sunt et statuta, a nobis et nostris successoribus firmiter obseruentur, Prefato Hainrico pre sentes damus litteras nostris sigillis, Prepositi videlicet et Conuentus munitas in testimonium super eo. Datum in domo nostra predicta jn die beate Lucie virginis Anno domini Millesimo vicesimo Nono.

Source Fulltext: OÖUB 5 (Wien 1868) S. 565-566, Nr. 563