Ich Chunrat der Lainholtz Purger ze Ens Vnd ich Elspet sein Hausfraw vnd mit vns all vnser Erben veriehen vnd tun chunt offenbar an dem brief allen den, die in sehent oder ho^ernt lesen, di nu sind oder hernach chunftig werdent, Daz wir gechauft haben hinder daz Ersam Gotshaus datz sand Florian einen Hof datz zierknarn vnd viertzehen zehent haus von ver Elspeten der Sau^eserinn ze allem dem dienst vnd vodrung, als von alter da von gewondleich ze geben ist gewesen. Wier schu^ellen auch oder swer den Hof inn hat, alle die recht haben vnd dulden, die ander dez Gotshaus holden habent in der Riedmarich. Daz die rede sta^et vnd vnuerchert beleib, darvber geben wier in den offen brief ze einem sichtigen waren gezeug mit meinem Chu^enrats dez Laynholtz anhangunden Insigel. Der brief ist geben Nach Christ gepu^erd dreutzehen hundert iar, in dem drei vnd viertzkistem iar an sand Go^erigen tag.

Source Fulltext: OÖUB 6 (Wien 1972) S. 447, Nr. 441