Jch Offmei, Lenpolts dez Tuechler witib, Purgerinn ze Ens vergich offenbar vud tu^en chunt allen den, di disen prief sehent oder horent lesen, daz ich mit wol bedachtem mu^et vnd mit gu^etleichem willen aller meiner erben zder zeit, do ich ditz wol getu^en macht, geschaft vnd geben han ledichleich meins rechten chaufaigens einen weingarten, der haizt di gro^ezzen hohenwort, vnd ist gelegen datz To^eblich ob der chirchen ze einem ewigen selgrêt den erbern geistleichen herren dem probst vnd dem Gotshaus ze sand florianshaus mit so^ettaner beschaidenhait, daz der probst oder wer den selben weingarten inne hat, je\archleich raichen schol vnuerzogenleich den herren in dem Conuent in ir Oblai dreu phunt wienner phennig, zwelif schilling an meins wierts Leupolts dez Tuechler Jartag, dem got genad, vnd zwelif schilling an meinem vnd perchten meiner to^echter jartag vnd darumb sol man vnser gedenchen mit sel mess vnd vigili nach gewonhait ires vorgenanten gotshaus vnd schol auch geben von dem vor genanten weingarten, wer in inn hat, Jansen Chunrats dez Maulharts sun, meinem lieben vreunt, der sich got in dem selben gotshaus hat ergeben, zwai phunt phennig ze pezzerung seiner phru^eent. Vnd daz daz also sta^et vnd vunerchert beleib, dar vber gib ich dem vorgenanten gotshaus disen offen prief versigelten mit der ersamen geistleichen vrawn vron Margreten der Poungartnerinn Preialinn ze Tuln, die dez vorgenanten weingarten perchvraw ist, anhangundem insigel. Der prief ist geben nach Christ gepu^erd dreutzehenhundert jar, in dem drei vnd viertzigistem jar an sand Johanstag ze Sunnbenten.

Source Fulltext: OÖUB 6 (Wien 1972) S. 449f., Nr. 445