Ich Fridreich der Sulzpech vnd mein ped to^echter Katrei vnd Elspet vnd all mein erben vergich vnd tu^en chunt offenbar an disem prief allen den, di in sehent oder ho^erent lesen, daz ich ein holtz, daz in meinen hof geho^ert hat, der haizt der Sultzhof, han verchauft mit sampt dem grunt auz dem selben hof dem ersamen gotshaus ze sand florian vmb fu^emfzehen phunt wienner phennig, der ich gantz vnd gar verricht vnd gewert pin. Wêr auer, daz chainer meiner erben fu^erbaz nach dem holtz sprêch vnd iz haben wold, der schol iz lo^esen von dem egenanten gotshaus ze sand florian vmb dreizzig phunt wienner phennig, vnd waz dem oftgenanten Gotshaus daran ab gieng vnd dez schaden nem, dez schol iz haben auf meinem vorgenanten hof dem Sultzhof vnd auf aller meiner hab, di ich han in dem lant datz Osterreich. Vnd daz daz also stêt vnd vnuerchert beleib, dar vber gib ich dem egenanten gotshaus disen offen prief versigelten mit meinen anhangundem vnd mit des erbern herren Hern Heinreichen von volchenstorf insigeln, in dez lantgericht daz selb holtz ist gelegen. Der prief ist geben nach Christ gebu^erd dreutzehenhundert jar, in dem drei vnd viertzigistem jar an sand Symons abent.

Source Fulltext: OÖUB 6 (Wien 1972) S. 455, Nr. 450