Wir Marchart, Ortolf vnd Wilhalm Pru^eeder von Chersperg vnd alle vnser erben veriehen vnd tu^en chunt offenbar an disem prief allen den, di in sehent oder ho^erent lesen, daz wir ein lehen, daz gelegen ist datz gru^enprunn in dem dorf in Neunchircher pharr haben gehabt ze lehen von dem ersamen Gotshaus datz sand florian, daz selb lehen haben wir mit gutleichem willen vnd gunst all vnser erben vnd zder zeit, do wier iz wol getun mochten, verchauft dem Egenanten Gotshaus ze sand florian vmb dreizzig wienner phennig, der wier gantz vnd gar verricht vnd gebert sein also, daz wir drei vor geschriben pru^eeder vnd all vnser erben chain ansprach noch chain recht schulten haben fu^erbaz auf dem vorgenanten gu^et ze Gru^enprunn. Vnd daz diser chauf vnd di wandlung also sta^et vnd vnuerchert beleib, dar vber geb wir dem oftgenanten Gotshaus ze sand florian disen offen prief, versigelten mit vnsern allen drein pru^eedern von Chersperg anhangunden jnsigeln. Der prief ist geben Nach Christ geburd dreutzenhundert Jar, dar nach in dem vier vnd viertzigistem Jar an dem Ebenweich tag.

Source Fulltext: OÖUB 6 (Wien 1972) S. 462, Nr. 458