Albertus Dei et apostolici sedis gracia episcopns Pataviensis venerabilibus et religiosis viris nobis in Christo dilectis preposito et conventui monasterii sancti Floriani ordinis sancti Augustini canonicorum regularium nostre diocesis salutem et sinceram in domino caritatem. Virtutum exercicia et laudabilium operum merita que cum prompte hospitalitatis benivolencia in vestra vigent ecclesia, sumptuosa quoque et sollempnia que in decorem doraus domini ibidem fiunt edificia digne promerentur, ut ad graciam vobis faciendam reddamur liberales. Pro comodiori igitur onerum supportacione vestrorum devocioni vestre concedimus et ex speciali gracia quemadmodum eciam a nonnullis predecessoribus nostris pristinis temporibus graciose vobis indultum esse comperimus omni jure modo et forma quibus melius et efficacius possumus indulgemus, ut in omnibus et singulis beneficiis ad collacionem vel presentacionem vestras spectantibus in nostra diocesi constitutis, illis dumtaxat exceptis de quibus veris pastoribus in absencia nichil solvi consuevit, cum primum ea vacare contigerit fructus et obvenciones medios primi anni vacacionis eorundem licite recipere et utilitatibus monasterii vestri applicare valeatis, proviso tamen quod a nullo beneficio amplius quam se nostra presens extendit liberalis concessio emolumenta hujusmodi recipiatis, quodque ex presenti concessione nostra nullum jus perpetuum ea recipiendi vobis deinceps usurpatis et quod beneficia predicta protempore infrascripto debitis obsequiis et consuetis ministris minime defraudentur presentibus ad triennium tantummodo duraturis. In quorum testimonium presentes vobis tradimus literas nostri sigilli munimine roboratis. Datum in Castro nostro Ebelzperch Kalixti pape anno domini millesimo trecentesimo sexagesimo sexto.

Source Fulltext: OÖUB 8 (Wien 1883) S. 295, Nr. 300