"Ich Hartlieb Herleinsperger(1) die zeit pfleger ze Valckhenstain; bekhenn für mich vnd all mein erben offenbar mit dem brief allen den er fürkhumbt, von vnsers gucz wegen, genandt datz dem Valltherrn(2), das Vllreich(3), der die zeit darauf gesessen ist, sein hausfrau vnd ihr baider erben, von vns zu rechtlehen habent, vnd wier in vnser gewalt khaufft haben von Wendlein dem Cappellan(4) vnd sein pruedern vnd allen ihren erben, vnd dauon vns der ehegenandt Vllreich vnd sein hausfrau vnd all ihr erben raichen vnd geben sullen, je an dem dritten jar ain pfundt pfening zu rechter lehensteuer, vnd alle jar jerlich zweliff Wienner pfening, vor weinacht, pradt, vnd haben in auch drew tagwerich vnd robaten verkhaufft, darin vns der nichts pflichtig noch schuldig sindt, in khain weise, den was wir von pett wegen an in gehaben mögen. Vnd das zu vrkhundt geb wier in den brief, besiglet mit mein selbs, Hartlieb des Herleinsperger vnd Wendleins des Cappellans, vnser baider anhangundten jnsigl. Der brief ist geben, da man zalt von Christi geburt vierzechen hundert jar, vnd darnach in dem dreyzehenden jare, an sancti Prign [?](5) tag."||
||
[Postskript:] "Collationiert gegen dem original vnd erfünndt sich gleiches jnnhalts. Actum Linz, den 8 nouembris anno 1628. Leonhard Khapfer von Kapfenstain(6), Landschreiber."||
Links daneben: Trockensiegel des Abschreibers.

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 687, S. 750