"Leonardus(1) permissione diuina prepositus monastery sancti Nicolai(2) extra muros Patauienses, ordinis sancti Augustini, canonicorum regularium. Vniuersis et singulis, presentes litteras inspecturis, salutem et sinceram in Domino caritatem et nostris huiusmodi litteris fidem certam et indubitatam adhibere. Hodie date presentarum litterarum pro parte venerabilis patris, domini Anndree(3) prepositi et religiosorum fratrum monastery beate Marie virginis in Plaga, ordinis Premonstratensis, Patauiensis diocesis, nobis exhibite, ostentate atque presentate fuerunt certe littere subscriptorum tenore a nobilibus, generosis et magnificis regni Bohemie baronibus, dominis de Rosennberg emanate et emisse, eorundemque dominorum de Rosennberg sigillo, vt prima facie apparebat, appendente, firmate atque roborate. Et vt huiusmodi litteras vt prefertur nobis exhibitas inspicere, videre et examinare, eisdemque visis, inspectis, auscultatis et debite examinatis transsumi exemplari transscribi et copiari et de hys fidem indubitatam inspectoribus vniuersis facere dignaremur, fuimus pro parte predictorum dominorum, prepositi et conuentus, ex et pro eo, quod huiusmodi littere originales vbi et in quibus locis eisdem vti vellent atque necessarie deberent, deferre foret periculosum, debita cum instancia requisiti, sane ad prescriptorum dominorum prepositi et conuentus monastery in Plaga predicti, peticionem quam justam et racioni censuimus consonam, huiusmodi subscriptorum tenore litteras in presencia notary et testium subscriptorum recepimus et cum diligencia vidimus et auscultauimus, et quoniam post diligentem examinacionem et auscultacionem per nos, vt premittitur, factas et prehabitatas, easdem litteras inuenimus, cognouimus, comperimus et vidimus in omni parte, tam in sigillis quam eciam in cartis, eciam scripturis, sanas, integras, illesas ac omni prorsus vicio et suspicione carentes, fecimus igitur easdem litteras de verbo ad verbum per notarium subscriptum transscribi, copiari et exemplari, ac in publicam formam redigi, et nostro sigillo appenso roborari. Quibus sic copiatis, exemplatis, transscriptis et in presentem publicam formam redactis, et nostro sigillo appenso roboratis et communicatis, jnuenimus presentes litteras per omnia cum originalibus litteris concordari. Quocirca nos, Leonardus, prepositus supradictus, tenorem presencium publice recognoscimus et profitemur, quod presentibus nostris litteris vbique locorum et terrarum posset et debeat fides integra et indubitata tamquam originalibus litteris adhiberi, quarum litterarum tenores sequuntur et sunt tales:||
||
,Nos Hainricus, dictus de Rosennbergk [...] quarto kalendis junij‘ [Urk 62: 29.5.1305]||
||
,Nos Hainricus, dictus de Rosennbergk [...] quarto kalendis junij‘ [Urk 63: 29.5.1305]||
||
,Nos Hainricus, dictus de Rosennbergk [...] et alij fide digni‘ [Urk 67: 13.5.1306]||
||
,Nos Hainricus, dictus de Rosennbergk [...] Petri et Pauli‘ [Urk 77: 28.6.1308]||
||
,Nos Petrus de Rosennbergk [...] millesimo CCCo XVo‘ [Urk 91: 18.3.1315]||
||
,In Dei nomine. Nos Petrus de Rosennb. [...] virginis gloriose‘ [Urk 147: 8.9.1347]||
||
,Cum ad benefaciendum [...] natiuitate virginis Marie‘ [Urk 148: 8.9.1347]||
||
,Nos Petrus Jodocus Vlricus et Johannes, fratr. [...] confessoris‘ [Urk 155: 12.3.1356]||
||
,Juxta doctrinam apostoli [...] mensis septembris‘ [Urk 188: 12.9.1375]||
||
,Johannes de Rosennberch [...] Johannis baptiste‘ [Urk 212: 1.7.1389]||
||
,Wir, Jan von Rosennbergk [...] Giligenn tag‘ [Urk 360: 28.8.1457]||
||
In quorum omnium et singulorum fidem et testimonium et premissorum presentes litteras jn et sub forma registri exinde fieri et per notarium publicum subscriptum subscribi, publicari, et in presentem publicam formam redigi fecimus et mandauimus, nostrique sigilli appensione conmuniri. Acta sunt hec jn dicto nostro monasterio extra muros Patauienses, sub anno Domini millesimo quadringentesimo septuagesimo secundo, jndiccione quinta, die vero quinta mensis augusti, hora vesperorum vel quasi, pontificatus sanctissimi in Christo patris et domini nostri, domini Sixti(4), diuina prouidencia pape quarti, anno eius primo, presentibus ibidem discretis viris Thoma Entzinger(5) de sancto Floriano, rectore scolarium, Anndrea Ehynger(6) armigero, judice seculari Eberhardo Colbegkh(7), Michaele Kropff(8) familiari monastery nostri et Iohanne Dietmonsperger(9), clericis et laicis Patauiensis et Kyemensis(10) diocesis, testibus ad premissa vocatis pariterque rogatis."||
||
[NOTARIATSSIGNET] "Et ego Erhardus Prugkner(11) clericus Augustensis diocesis, publicus sacra jmperiali auctoritate notarius, quia preinsertarum litterarum presentacioni, exhibicioni, peticioni, inspeccioni, examinacioni et auscultacioni, omnibusque alijs et singulis, dum sic vt premittitur, coram supranominato venerabili patre et domino, domino Leonardo, preposito monasterij sancti Nicolai extra muros Patauienses atque per eum fierent et agebantur, vnacum prenominatis testibus presens interfui, eaque sic per omnia fieri vidi et audiui, jdeo presens vidimus jn et forma registri in septem folijs pergameneis comprehensum ac manu alterius diligenter scriptum, exinde confeci, subscripsi, publicaui et in hanc publicam formam redegi, signoque et nomine meis solitis et consuetis vnacum appensione sigilli memorati domini prepositi et de eius speciali mandato consignaui, rogatus et requisitus in fidem omnium premissorum."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 443 (S 315), S. 488-489