Ich Swester Chvnigunt von Rappach, zu den zeiten Aptessin dacz sand Chlarn cze Wienn, vnd di Geistleichen vrown gemain doselbs veriehen offenleich an disem prief allen den, di in sehent, horent oder lesen horent, di nu lebent vnd hernach chvnftig sind, daz der Erber Geistleich herr apt Clemens vnd der Convent gemain des Goczhaus vnserr vrown vnd der Schotten ze Wienn habent abgelo^est ain Mutt Traycz , der halber waycz vnd halber Chorn gewesen ist, alz ir prieff sagt, den wir darv^eber gehabt haben, vnd derselb herchomen ist von einem Hof, den si ze Gumpendorf gehabt haben, vnd darvmb wir vnd vnserr nacho^emen an sew nimmer mer dhain vadrung haben sollen weder mit priefen noch an prieff, dorumb si vns der vorgenant Erwirdig geistleich apt Clement vnd der Conuent gemain des egenanten Chlosters vnser vrown vnd der Schotten ze Wienn gegeben habent zehen phvnt Wienner phenning mit vrchvnt dicz priefs, den wir in darvber gegeben haben zv einer ewigen vestigung versigilten mit vnsern anhangunden Insigeln. Datum anno domini millesimo CCC^o. quinquagesimo octauo, in die sancte Margarete.

Source Fulltext: HAUSWIRTH, Schotten (=FRA II/18, 1859) S. 297