Albertus ... Patauiensis episcopus beurkundet: Litteras sanctissimi in Christo patris et domini nostri, domini Johannis, divina Providentia pape XXII., eius vera bulla plumbea filo canapis appensa bullatas, non vitiatas, rasas, seu cancellatas, sed salvas et integras ac omni suspicione carentes cum omni reverentia recepimus, quarum tenor de verbo.ad verbum est talis: Johannes episcopus, servus servorum dei, venerabili fratri . .¹ episcopo Patauiensi salutem et apostolicam benedictionem. Pia vota personarum humilium, divinorum presertim mandatorum obervantie deditarum, gratioso libenter favore prosequimur et pro incumbentibus eis necessitatibus sublevandis ipsarum votis assensum benivolum favorabiliter impertimur. Nuper siquidem pro parte dilectorum filiorum rectorum hospitalis pauperum Viennensis tue dyocesis devota nobis extitit insinuatione monstratum, quod pauperes et infirmi degentes ibidem propter multitudinem pauperum et infirmorum ad idem hospitale confluentium, ubi sexcenti numero pauperes et infirmi et interdum ultra frequentius sustentantur, propter paucitatem reddituum eiusdem hospitalis magnam, et precipue in straminibus et paleis, ex quibus sufficientia eis stramenta fieri valeant, in quibus eorum lapsa corpora et membra debilia requiescant, penuriam sustinent et defectum. Quare dicti rectores fecerunt nobis humiliter supplicari, ut ad sublevandum huiusmodi inopiam et defectum parrochialem ecclesiam sancti Petri in Weigelstorf dicte dyocesis ad presentationem rectorum eiusdem hospitalis, qui sunt pro tempore, pertinentem, cuius redditus et proventus quatuordecim florenorum auri, iuxta taxationem decime, valorem annuum, ut asseritur, non excedunt, eidem hospitali unire, incorporare et annectere imperpetuum dignaremur. Nos igitur necessitatibus dictorum pauperum et infirmorum compatientes, miseratione paterna, huiusmodi supplicationibus inclinati, fraternitati tue, de qua plenam in domino fiduciam obtinemus, per apostolica scripta committimus et mandamus, quatinus si dicta parrochialis ecclesia de patronatu rectorum eiusdem hospitalis existat, ecclesiam ipsam cum omnibus iuribus et pertinentiis suis eidem hospitali auctoritate apostolica unias, incorpores imperpetuum et annectas;, ita, quod rectore ipsius ecclesie cedente seu etiam decedente, vel ecclesia ipsa quocumque alio modo vacante, liceat dictis rectoribus tuo et cuius vis alterius licentia et assensu minime requisitis, corporalem possessionem eiusdem ecclesie per se vel eorum procuratorem auctoritate propria libere apprehendere ac tenere, fructibusque ipsius ecclesie recipere, in usus dictorum pauperum convertendos; reservata tarnen prius de fructibus, redditibus et proventibus ipsius ecclesie perpetuo vicario inibi instituendo canonice congrua portione, ex qua possit comode sustentari, iura episcopalia solvere et sibi incumbentia onera supportare. Contradictores per censuram ecclesiasticam appellatione postposita compescendo, non obstantibus, si aliqui super provisionibüs sibi faciendis de parrochialibus ecclesiis vel aliis beneficiis ecclesiasticis in illis partibus speciales vel generales apostolice sedis vel legatorum eius litteras impetrarint, etiam si per eas ad inhibitionem, reservationem et decretum, vel alias, quomodolibet sit processum, quas litteras et processus habitos per easdem, si per te fieri contingat huiusmodi unionem [63] ad dictam parrochialem ecclesiam volumus non extendi, sed nulluni per hoc eis, quo ad assecutionem ecclesiarum et beneficiorum aliorum preiudicium generari, et qualibet alia dicte sedis indulgentia generali vel speciali cuiuscumque tenoris existat, per quam presentibus non expressam vel totaliter non insertam, effectus earum impediri valeat quomodolibet vel differri, et de qua cuiusque toto tenore habenda sit in nostris litteris mencio specialis, nos insuper si est ita et per te huiusmodi contingat fieri unionem, irritum decernimus et inane, si secus super hiis a quoquam quavis auctoritate scienter vel ignoranter contigerit attemptari. Datum Avinione id. octobr., pontificatus nostri anno decimo octavo (1333, Oktober 15, Avignon). Aussteller beurkundet weiter: Comperto ex inquisitione diligenti, quod ea, que in litteris apostolicis superius sunt expressa, plena innituntur veritate, ecclesiam parrochialem in Weigelstorf prelibatam iuxta tenorem mandati apostolici, cum omnibus iuribus et pertinentiis suis prefato hospitali auctoritate ihm (nobis) in hac parte commissa annectimus, incorporamus in perpetuum et unimus ita, quod cedente vel decedente rectore eiusdem ecclesie vel quovis alio modo vacante liceat rectori eiusdem hospitalis per se vel per procuratorem suum corporalem possessionem ipsius ecclesie licite apprehendere et tenerefructibusque ipsius percipere, in usus pauperum predictorum convertendos; doch mit dem Vorbehalte, quod rector hospitalis predicti, qui pro tempore fuerit, teneatur, ad dictam ecclesiam, postquam vacaverit, unum vicarium ydoneum et perpetuum, per nos vel successores nostros canonice instituendum, presentare, cur de fructibus, redditibus et proventibus ipsius ecclesie tantum assignabitur, quod ex ipsis possit congrue sustentari atque cultum divinum hactenus ibi observatum cum consueto ministrorum numero convenienter observare, iura apostolica, metropolitica seu episcopalia ac quevis alia onera ipsi ecclesie incumbentia comode supportare; non obstantibus omnibus, que, ne obstent, in litteris apostolicis premissis exprimuntur, reservata insuper, nobis et successoribus nostris cohercione et districtione omnium et singulorum, qui hospitale predictum seu rectores ipsius in annexione, incorporatione aut unione huiusmodi attemptaverint vel presumpserint quomodolibet impedire. Actum et datum Wienne, anno domini millesimo CCCmo, quadragesimo, in die beati Alexii confessoris. 

Language: Latein

Notes: