Wir Albrecht von gotes gnaden Hertzog ze Oesterreich, ze Steyr, ze Kêrnden, und ze Krain, Grave ze Tyrol etc. Embieten den erbern weisen unsern lieben getrewn..dem Burgermaister ..dem Richter, und..dem Rate ze Wienn unser gnad und alles guet. Von der zwayung wegen, die da sind zwischen unsern getrewn Hannsen dem Kramicher ains tails, und Casparn des Swartzen an stat seinselbs, und Ursulen seiner Swester, und Gotlieben der Glêslinn weilent Petern des Pernstorffer erben des andern, von ains hauss wegen, gelegen vor Widmer tor ze Wienn daz weilent Joergen des Trokchendorffer gewesen ist, dartzue yettweder der obgenanten tail maynent die nachsten und rechten erben zu sein, und darumb der egenant Kramicher vor unserm lieben getrewn Pilgreimen von Puechaim unserm Lantmarschalich in Oesterreich und der egenant Pernstorffer, und nachmaln nach seim abgang, die vorgenanten sein erben vor ewr in dem Rat Ir frewntschafft geweist habent und wan ettwas Irrung darinn was, also daz yettweder tail maynt daz er sein frewntschafft rechtleich, und der ander nicht rechtleich geweist hiet, lassen wir ew wissen daz wir die vorgemelten weisung all, die vor dem egenanten unserm Lantmarschalich und auch vor ewr geschehen sind abgeschafft haben Also daz die nu von newn dingen von baiden tailen vor ewr geschehen suellen. Emphelhen wir ew ernstleich und wellen, daz Ir dieselben weisung von baiden obgenanten tailen von newn dingen aufnemet und hoeret und dann Ir yettwederm nach solher Irer weisung widergeen lasset was Recht ist. Daran begeet Ir gêntzleich unsern willen. Geben ze Wienn an Sambstag nach sand Pangrêtzen tag Anno etc. vicesimo secundo. d(ominus) d(ux) in cons(ilio).

Source Fulltext: Peter Peusquens