Ich Hanns Hainreichs des ledrêr seligen Sun vergich fur mich und all mein erben und tuen kund offennleich mit dem brief das ich ingenomen und emphangen hab von den erbern weisen Pauln dem Wuerffel dietzeit des Rats der Stat ze Wienn und Kunraten dem Kyembseêr baid innehaber und verweser der Stat ze Wienn gruntpuch zwaintzig phunt wienner phenning von den viertzig phunten wienner phenningen die zu dem vorgenanten gruntpuch nidergelegt sind worden darumb ain haws verkaufft worden ist das mir und meinem Brueder Ulreichen, der vorgenante unser vater Hainreich Ledrer gelassen hat darumb sag ich die vorgenanten herren, den Burgermaister Richter und Rat der vorgenanten Stat gantz quitt ledig und los Mit urkund des briefs und wann ich nicht aigen Insigel hab So hab ich vleissichleich gepeten die erbern weisen Leuppolten den Weiler dietzeit des Rats der Stat ze Wienn und Hannsen von Friesach burger daselbens das Sy ire Insigel zugetzeugnuss der sach In an schaden auf den brief gedrukcht habent. Geben ze Wienn an Eritag nach sand Urbans tag Anno etc. XXII°.

Source Fulltext: Peter Peusquens