Ich Lienhart Newnhover Statrichtter zu Wienn. Bekenn offenlich mit dem brief, das fur mich kom in der Burgerschrann, da Ich sas daselbs an offem gericht der erber briester her Erhart der Greif Capplan und verweser der andern mess auf sand Kathrein Altar gelegen in der geistlichen frawn-kloster datz der Himelporten zu wienn, und clagt mit vorsprechen auf Pawln des Staintêschl und Magdalen seiner hausfraun haus das gelegen ist zwischen sand Johannsstross und der Trabaten strass hinder der Rinkchmawr zenêgst Hannsen frolichen des kuersner haus mit aim tail umb funf phunt vir schilling und zwaintzig wienner phenning geltes versessens purckrechts, und umb alle die zwispild, die mit recht darauf ertailt und gegangen wêrn, und klagt darumb solang, untz das mit frag und urtail geviel, Ich solt Im beschauboten darauf geben, die das obgenant haws be-schawten und schêtzten und geschech darnach was recht wêr, des gab Ich an Alexen Gerharten und Hainreichen den halsser, baid vorsprechen, die komen da wider fur mich und offens gericht und sagten bei Irn trewn als Sy ze recht solten nach der Stat und Schrannrechten zu wienn, das Sy das egenant haus mit aller seiner zuegehorung mitsambt den umbsessen daselbs, aigenlich be-schawt und geschêtzt hieten und das daz als tewr nicht wêr, als das versessen puerkrecht und die zwispild, die mit recht darauf ertailt und gegangen wêrn. Und bracht auch der obgenant her Erhart darumb den tag mit baiden vorsprechen envollen auch nach der Stat und schrannrechten zu Wienn und bat mich auch darauf zu fragen, was nu recht wêr, da geviel Im mit frag und urtail Er solt mir mein recht geben, das hat er getan. Und solt Ich In des vorgenanten haus gêntzlich gewaltig machen mit meinem Gerichtsbriefe, das hab Ich auch getan. Also das er damit hanndeln sol, nach der Stat und SchrannRechten zu Wienn. Und solt Ich Im des mein urchund geben. Des zu einem offen warn urkunt gib Ich Im den brief besigilten mit meinem angehangem Insigil. Geben zu Wienn, an Montag sand Urbans tage Nach cristi geburd virtzehenhundert und Im drew unddreissi-gistem Jare.

Source Fulltext: Peter Peusquens