Ich Joerg Hertzog Hêringêr, und Ich Hanns Volslanndt der Pintêr baid mitburger ze Wienn, Bekennen, daz Kunrat der Hyerprêchtl das haws das er mit Guetlein seiner hausfrawn gekaufft hat gelegen vor Schottentor auf der Alssêrstrass zenagst Petreins haws underm Pirpawm dem erbern Briestêr hern Hannsen Hierprêchtl den man nennet den Hêsel seinem Sun lediglichen uebergegebn und abgetreten hat allen seinen frumen damit zu schaffen wie In des verlusst an alle Irrung, das sprechen wir bey unsêrn trewn an aydes stat ungevêrlich. Mit urkund des briefs besigelt mit der erbern weisen hern Kunrads des Oettingêr dietzeit des Rats der Stat ze Wienn, und Ulreichs des Warnhovêr burger daselbs aufgetrukten Insigeln, die wir zu getzewgnuess der sach mit vleisse darumb gebeten haben, In und Irn erben an schaden, darunder wir mit unsern trewn bekennen so vorgeschriben stet, wann wir selber aygen Insigel nicht gehabt haben. Geben ze Wienn an Mittichen vor sand Kathrein tag anno etc. Tricesimoquinto.

Source Fulltext: Peter Peusquens