In dem namen der heiligen und ungetailten drivaltichait; amen. Wand als der weise man sprichet, ayn geslecht vergêet und ain geslêcht aber so chumpt, davon ist durft, swas gedêchtnu^ezz bedorf und wirdig ist, daz man das mit gezeugnuzz der schrift und mit bewêrung der geczeugen zu chuntschaft pring allen den, die hernach ku^enftig sint, davon ich Haydenreich von Meychsaw‚¹ obrister schenkch und zu den zeiten lantmarschalich in O^esterreich, und ich Anna sein hawsfrow vergehen fur uns und alle unser erben und tu^en kunt offenleich mit dem bri^ef allen lêwten gegenbůrtigen und ku^enftigen, daz wir von dem influzz go^etleicher gnaden mit wolbedachtem mu^et mit endhaftem gu^etem rat mit gleich verayntem sinne mit freyem willen und mit lautterer andacht durich unserr aller unserr erben und freunt selen trost und hail zu lob und zu eren der heiligen dryvaltichait der hochgelobten ewigen magt sand Marie und aller gotes heiligen gestifftet haben und stiften ayn chloster gelegen pey dem dorffe, das da haizzet Akhspach, auf dem grunt, den wir von den hochgeporn fu^orsten, den hertzogen ze Bay^ern ze leben heten, die uns denselben grünt und swas wir zu der egenanten unserr stifft gegeben haben,² das daselbs ze Akchspach³ gelegen ist und von in lehen ist gewesen, zu derselben stifft geaygent habent, als ir brief sagent, und dasselb chloster haben wir gegeben dem heiligen orden von Cartus, den wir darzů vor allen o^erden auserwellet haben, und wydmen auch die vorgenanten unser stifft ainem gantzen convent, daz ist dreitzehen priestern, der ayner prior wi^ert, und dasselb chloster sol genant sein zu unser frôwen porten. Zu derselben unserr stifft haben wir gegeben und geben ewikleich aller die hernach geschribenen gu^eter, die aller rechtes freyes aygen sint: von erst daz vorgenant dorf ze Akchspach alles daz, daz wir daselbst gehabt haben, mit dem purchrecht und mit allen nùczen, die in dasselb ampt gehorent, und drey ho^ef gelegen auf dem Akchstayn^a4 mit allen nůczen und zùgeho^erungen und unser aw gelegen daselbs zenêchst ob Akchspach in der Tùnaw und den êrichfůrt dapey mit allen den nůczen und rechten, als wir es gehabt haben, und alle unser vischwayd daselbs auf der Tůnaw, die sich anhebt ze ayner seytten peÿ dem Ploshaus⁵ und gêt ennaw uncz gen Willental,⁶ und zu der andern seytten auf dem gestad herengegen hebt sich an an dem Haytal⁷ und get ennaw uncz gen Aynetmu^el an den pach mit allen den nu^etzen und rechten und mit aller der herschafft, als wir dieselben vischwayd gehabt haben, und die vischwaid auf dem pach, der fůr daz chloster rynnet ze paider seytten von der Tu^enaw uncz an den steyg, der an daz Geswentt⁸ get, untz in den fu^ert, darnach alleu die gu^eter, die wir gehabt haben zu Seyterndorf⁹ mit allen nůczen und zůgehorungen, die unser lehen gewesen sint von unsern genedigen herren, den hochgeborn fu^ersten, den herczogen ze O^esterreich, die uns die zu der obgenanten unserr stifft auch geaygent habent, als ir brief sagt; item den zehent ze Scheibligenwisen¹⁰ grozzen und chlaynen, der unser lehen ist gewesen von dem hochwirdigem fůrsten, dem bischof ze Pazzaw und von demselben gotshaus mit dem wir dieselben lehenschaft ausgewechselt haben, daz er denselben zehent der egenanten unserr stifft geaygent hat, als sein brief sagt;¹¹ item den zehent ze Mayrhofen¹² und dacz den Lehen¹³ und den zehent dacz Charnarn¹³ und den zehent ze Lerichveld¹⁴ und fùnfundsibenczig phenning geltes daselbs auf einem paungarten. Dieselben ieczgenanten zehent von uns lehen sind gewesen und die haben wir von den lêwten gechaufft, die die von uns ze lehen heten, also, daz nu dieselben zehent der egenanten unserr stifft rechtes aygen sind. Item alle die gu^eter hernach geschriben, die wir alleu zu der egenanten unserr stifft gegeben haben, sint unser rechtes aygen gewesen: daz ist die Weingartpeunt¹⁵ gelegen ze Akchstain¹⁵ und den grozzen paumgarten gelegen dapey und alleu die gu^eter, die wir gehabt haben ze Hessendorf,¹⁶ mit allen nůtzen und zugehorůngen; item ze Swaigpu^ehel¹⁷ ein halb pfunt gewêg chês ye ain gewêg fu^er vier phenning; item alles unser wismat, daz wir gehabt haben in der Palt;¹⁸ item die gůter alleu gelegen in der Chu^elb¹⁹ behauster und u^eberlent, wie die genant sind, und daz půrchstal dacz dem Hagenstayn²⁰ mit holcz mit wismat und mit allen nu^etzen und zůgehorungen, als wir diselben gůter von dem Topler gechaufft haben, als unser chaufbrief lauttent und begreiffent; item unsern weingarten, der do haizzet der Malhinger, gelegen ze Wachaw²¹ an der Dêchleyten;²² item unserr dorff ze Grazzmûgel²³ mit allen gůlten nůczen und zůgehorůngen und unser perchrecht und unsern weingarten daselbs; item unser dorf ze Ottendorf²⁴ mit allen nůtzen und zugeho^erungen; item alles unser wismat gelegen auf dem Chu^enrring und zwo mu^ele daselbs mit allen nu^eczen; item daz holtz mit grunt mit all gehaizzen daz Weytental, daz sich anhebt in dem Peygartenpach²⁵ pei der wisen, die die zeit hiez die Hekchleinswise und gêt auf an die Su^el untz an das Rechekk, demselben ekk nach ze tal auf dem Rigel untz wider in den Peygartenpach pey dem alten slifstayn bei dem Nydernra^eut, darnach an der andern seytten herengegen hebt es sich an ob des newen chalichofens in dem Peygartenpach in dem fu^ert an dem ekk und demselben ekk nach auf alleu ho^ech und von der ho^ech auf die vastat auf dem Prunntal und von dem Prunntal auf den Chirichsteig, von dem Chirichsteig in daz Maurtal an daz holcz, daz do gehört gen Schonpu^echel²⁶ und get aus an daz Ploshaus, als es mit marichen und hattern ausgezaigt ist, und daz holtz mit grunt mit al, daz do haizzt der Êrtzperch, als es mit alter hercho^emen ist und als es mit marichen und hattern auzgeczaigt ist. Die vorgeschribenen gůter alleu und alles daz, daz darzu^e gehůret, es sei gestifft und ungestifft versůcht oder unversůcht, wie so daz genant oder gehaizzen ist, haben wir der obgenanten unserr stifft gegeben in dem namen als davor mit allen den gůlten zinsen nůczen eren rechten und zu^egehorungen, als wir die herpracht und gehabt haben, fu^erbaz ewichleich pey demselben chloster ze beleiben den geistleichen lêwten dem prior und dem convent gemayne daselbs ledichleich und aygenleich ze besitzen ze niezzen und ze nůtzen und allen irn frumen damit ze schaffen, als es in und allen iren nachkomen und derselben stifft allerpest cho^eme got dapey ze dienen freyleich und berùbtleich an alle hindernu^ezz und irrung. Wir haben auch mit rechter wizzen anstat und in namen unser selbs und aller unserr erben uns der vorgeschribenen gůter aller verzigen und geauzzent, verzeichen und auzzenn uns der lautterlich mit dembrief uns und allen unsern erben weder vogtey noch dhaynerlay rechten oder vodrung darauf ausgenomen noch behalten weder vil noch wenich und geben dem prior und dem convent der egenanten unserr stifft vollen gewalt und freyen wal, daz si in allezeit einen vogt erwelen und nemen, wer in darzu^e wol gevellet, und wenn in ein vogt nicht wol gevellet, daz sie in denn verchern mu^egen, wenn si wellent, und einen andern vodern an den landesfùrsten in O^esterreich, der sol in denn einen vogt geben, den si vodernt und der wolgevellet, und sùllen wir noch alle unser erben noch alle die, die unser vest Wolfstayn innehabent oder besitzent, wer die sein, in daran ze dhainer zeit nymmer dhain invêll noch irrung tůn in dhainer weise noch dhain vodrung nicht haben an sie noch an ir lêwt oder gůter weder umb vogtay noch umb ichteu chlayn oder gros noch si beswêrn weder mit gastung, mit fuer mit tagwerichen oder mit dhainerlay roboten noch mit dhainen sachen, wie die genant sint. Und daz die stifftung und gab und alles, das davor geschriben ist, ewichleich also stet und unzerbrochen beleibe, darůber so geben wir den vorgenanten průdern und allen irn nachkomen und dem offtgenanten irem chloster den gegenburtigen brief zu einem warn ůrchund und zu einer ewigen vestnung der sache besigilten mit meinn obgenanten Haydenreichs von Meichsaw anhangunden insigil und mit unserr sůn Leutolts, Hansen und Jo^ergen von Meichsaw anhangunden insigiln fůr uns und fůr alle unser erben und mit herren Ulreichs insigil von Meichsaw, mein egenanten Haidenreichs pruder, und mit meiner vettern insigel hern Wernharts von Meichsaw, obristen marschalichs in O^esterreich, und hern Chůnrats von Meichsaw, die der vorgeschribenen handlung und sache gezeugen sint mit irn anhangunden insigiln. Der brief ist geben ze Wienne nach Christes gebu^ert dreutzehenhundert iar darnach in dem achtzigisten jar an dem achten tag nach dem heiligen prehemtag.

Source Fulltext: FUCHS, Aggsbach (=FRA II/59, 1906) S. 41-45