Ich pruder Hans die zeit prior ze Axpach des ordens von Cartus und der gancz convent daselbs wi^er vergehen offnl(eich) mit dem brif und tun chund alln den, die in sehnt ho^erent oder lesent, die nw lebent und hernach chunftig sind, das wi^er dem erbern mann maister Ulr(eich) dem maler von Pazzaw^e, seiner hawsfrawn und alln seinen erbn geltn sulln vi^erczik talent Wienner d. an der arbait, die er zu unserm chlo^ester ze Axpach gearibait hat mit malberich und mit glaswerich und su^elln wir in der vo^ergenantn virczik talente d. unverczo(genleich) und fu^eederlich richtn und wern an all sein mu^ee und schêdn XX libras auf den vaschangtag, der schi^erist chu^empt, und XX libras acht tag nach sannd Jorigntag, der auch schierist chu^empt. Das lub wir im mit unsern trewn stêt ze habn angevêrd mit urkund des bri^efs versiglt mit unserm anhangundm insigl. Der geben ist nach Christs gebu^erd drewczehn hundert iar darnach in dem vi^erundachczigistm jar an aller chindleintag ze weynachtn.

Source Fulltext: FUCHS, Aggsbach (=FRA II/59, 1906) S. 70-71